ოკუპირებული ტერიტორიებიდან დევნილთა, შრომის, ჯანმრთელობის და სოციალური დაცვის მინისტრმა, დავით სერგეენკომ თანამდებობა დატოვა.

ამის შესახებ პრემიერ-მინისტრმა მამუკა ბახტაძემ მთავრობის ადმინისტრაციაში გამართულ ბრიფინგზე განაცხადა, რომელსაც თავად სერგეენკოც ესწრებოდა.

მამუკა ბახტაძემ მას გაწეული მუშაობისთვის მადლობა გადაუხადა. 

"მთავრობის ნებისმიერი ინიციატივა და რეფორმა მორგებულია ჩვენს მოქალაქეზე. ყველას გახსოვთ რა სისტემა ჩავიბარეთ ჩვენ და რა სისტემა გვაქვს დრეს. ბუნებრივია ეს რეფორმა უკავშირდება ჩვენს პოლიტიკურ გუნდს და დათო სერგეენკოს. ადამიანს რომელმაც შეძლო ძალიან რთული რეფორმების გატარება. განსაკუთრებით მინდა გამოვყო საყოველთაო ჯანდაცვის პროგრამა, რომელმაც სულ სხვა სტანდარტი დაამყარა. ეს იყო უმნიშვნელოვანესი რეფორმა,რომელმაც გზა გაუხსნა სხვა რეფორმების გატარებას. მინდა გამოვყო ც ჰეპატიტის ელიმინაციის პროგრამა. დათო სერგეენკოს აქვს უზარმაზარი წვლილი ამ წარმატებებში", - განაცხადა მამუკა ბახტაძემ. 

ცნობისთვის, მანამდე დავით სერგეენკო საჩხერის საავადმყოფოს გენერალური დირექტორი იყო. მისი მინისტრობის პერიოდის ძირითადი რეფორმები საყოველთაო დაზღვევას და C ჰეპატიტის ელიმინაციის პროგრამას ეხება.

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

მოსკოვის ნავთობგადამამუშავებელი ქარხანა კიდევ უფრო დაზიანდა ერთი კვირის განმავლობაში მეორეჯერ თავდასხმის შედეგად.

დიდმა ბრიტანეთმა, გერმანიამ და ნატოს კიდევ ხუთმა ქვეყანამ უკრაინას ასობით მილიონი დოლარის ღირებულების დრონებისა და რაკეტების ახალი მიწოდება დაჰპირდნენ

ცოლის ინფორმაციით, ბაქოს სააპელაციო სასამართლომ აფგან სადიგოვი პატიმრობაში დატოვა

ურეკში 4 ადამიანი ზღვის დინებამ წაიღო, მაშველებმა 4-ვე გამოიყვანეს, თუმცა 1 დაიღუპა