„ეს იყო ძალიან ბინძური კამპანია, სადაც ძალაუფლების დაკარგვით შეშინებული ხელისუფლება ყველაფერზე მიდიოდა“, - ასე შეაფასა „ევროპული საქართველოს“ ერთ-ერთმა ლიდერმა ელენე ხოშტარიამ წინასაარჩევნო კამპანია.

როგორც მან აღნიშნა, მმართველი გუნდის წარმომადგენლების ქმედებები მთაწმინდელი ამომრჩევლის შეურაცხყოფა იყო.

„ჩვენ ვნახეთ ბანერებით შეშინებული მერია და „ქართული ოცნება", რომელიც დისკრიმინაციულად გავარდა და ჩამოხია შალვა შავგულიძის ბანერი და ამაზე მიიღო ღირსეული პასუხი მთაწმინდის ამომრჩევლისგან, რომლებმაც თავად გადმოკიდეს სახლებზე თავიანთი არჩევანი. ჩვენ ვნახეთ პატიმარი ადამიანით სპეკულირება ოქროყანაში, მეასე დაპირება, რომ გამოუშვებენ ამ ადამიანს, თუ ხმებს მიიღებენ. ჩვენ ვნახეთ ზეწოლა, გაჭირვებული ადამიანებით მანიპულირება და გარდაცვლილი ადამიანებით სპეკულირება, რაც, სამწუხაროდ, „ქართული ოცნების“  საფირმო ნიშანი გახდა. დღეს მინდა მოგახსენოთ ანგარიშის შესახებ, რომელიც გააკეთა აბსოლუტურად ობიექტურმა და ავტორიტეტულმა ორგანიზაციამ „სამართლიანი არჩევნები“, რომელმაც გამოიკვლია Facebook-ზე კამპანია და პირდაპირ თქვა, რომ სიძულვილის, ტყუილების კამპანია შალვა შავგულიძის დისკრედიტაციის მიზნით იყო ორკესტრირებული და დაგეგმილი. მე მინდა პირდაპირ ვთქვა, რომ ეს მთაწმინდელი ამომრჩევლის, ქართველი ამომრჩევლის შეურაცხყოფაა, როდესაც გგონია, რომ სიძულვილის ენით და ტყუილების მოგონებით შენ მათ აიძულებ ხმა სასურველ კანდიდატს მისცენ“, - განაცხადა ელენე ხოშტარიამ.

შეგახსენებთ, მთაწმინდის მაჟორიტარულ ოლქში ხვალ პარლამენტის რიგგარეშე შუალედური არჩევნების მეორე ტური გაიმართება. მთაწმინდის მაჟორიტარობისთვის „თავისუფალი დემოკრატები - ევროპული საქართველოს“ კანდიდატი შალვა შავგულიძე და „ქართული ოცნების“ კანდიდატი ლადო კახაძე იბრძვიან.

ავტორი: ექსპრესნიუსი,

სოციალური ქსელები

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო