ცესკო საარჩევნო პროცესში ჩართულ მხარეებს მიმართავს, ხელი შეუწყონ არჩევნების მშვიდ, თავისუფალ გარემოში ჩატარებას და ამომრჩევლის ნების დამოუკიდებლად განოხორციელებას.

ამის შესახებ ცესკო-ს პრესსპიკერმა ანა მიქელაძემ დღეს გამართულ ბრიფინგზე განაცხადა.

მან მთაწმინდის მაჟორიტარულ ოლქში რეგისტრირებულ ამომრჩევლებსაც მიმართა და აქტიურობისკენ მოუწოდა.

„საარჩევნო ადმინისტრაცია მოუწოდებს #1 მაჟორიტარული საარჩევნო ოლქის ამომრჩევლებს, აქტიურად მიიღონ მონაწილეობა არჩევნებში, ვინაიდან თითოეული მათგანის ხმა არის მნიშვნელოვანი.

 გარდა ამისა, საარჩევნო ადმინისტრაცია მიმართავს საარჩევნო პროცესში ჩართულ ყველა მხარეს, ხელი შეუწყონ არჩევნების მშვიდ, თავისუფალ გარემოში ჩატარებას და ამომრჩევლის ნების დაუბრკოლებლად განხორციელებას“, - განაცხადა ანა მიქელაძემ.

შეგახსენებთ, ხვალ, 9 ივნისს, მთაწმინდის (N1) მაჟორიტარულ საარჩევნო ოლქში საქართველოს პარლამენტის შუალედური არჩევნების მეორე ტური გაიმართება. მეორე ტურის 31 საარჩევნო უბანზე ჩატარდება, სადაც სულ 43 909 ამომრჩეველია რეგისტრირებული.

ავტორი: ექსპრესნიუსი,

სოციალური ქსელები

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო