„ევროპული საქართველოს“ წევრის ირაკლი აბესაძის განცხადებით, ხელისუფლებას  სახელმწიფო ინსპექტორის თანამდებობაზე თავისი გავლენის ქვეშ მყოფი პირის დანიშვნა სურს და ამას კანდიდატების შერჩევის პროცედურის დარღვევა ადასტურებს.

დეპუტატი ყურადღებას ამახვილებს იმაზე, რომ სახელმწიფო ინსპექტორმა პერსონალურ მონაცემთა დაცვა უნდა უზრუნველყოს და აღნიშნავს, რომ თუ ის პარტიულად მიკერძოებული იქნება, მმართველ გუნდს სხვადასხვა პირის შანტაჟის შესაძლებლობა მიეცემა.

"სახელმწიფო ინსპექტორის ძალიან მნიშვნელოვან თანამდებობაზე კანდიდატურის შერჩევის პროცედურის მიკერძოებულად  და დარღვევებით წარმართვა პირდაპირ ადასტურებს, რომ ხელისუფლება და პირადად გახარია, როგორც ჩანს, ეცდებიან თავიანთი გავლენის ქვეშ მყოფი პირის დანიშვნას თანამდებობაზე, რომელმაც შემდგომ უნდა აკონტროლოს ადამიანების პერსონალური მონაცემების დაცვა ქვეყანაში, იქ, სადაც "ქართული ოცნების"  ხელისუფლების პირობებში პირადი ცხოვრების ჩანაწერები, პერსონალური მონაცემები არაერთხელ გამხდარა საზოგადოებრივად აქტიური ადამიანების შანტაჟის საფუძველი, იქ სადაც არაერთხელ ყოფილა დასაბუთებული ეჭვი ე.წ. "უკანონო მოსმენების" და თვალთვალის განხორციელების შესახებ სახელმწიფოს მხრიდან და ამავდროულად სახელმწიფოს ინსპექტორმა უნდა განახორციელოს სამართალდამცავ სისტემაში ჩადენილი დანაშაულებების გამოძიება და იმ შემთხვევაში, თუ ეს თანამდებობის პირი გახარიას გავლენის ქვეშ მყოფი იქნება, რა თქმა უნდა, არანაირ ობიექტურ და მიუკერძოებელ გამოძიებაზე საუბარი არ შეიძლება იყოს. დაუშვებელია ამ თანამდებობაზე პოლიტიკურად მიკერძოებული კადრის მიღება , რაც კიდევ უფრო მეტად გაუმარტივებს "ქართულ ოცნებას" ამოცანას, ივაჭროს ადამიანების პირადი ცხოვრებით", - განაცხადა ირაკლი აბესაძემ.

ავტორი: ექსპრესნიუსი,

სოციალური ქსელები

საქართველო და სომხეთი 2029 წელს FIFA-ს U20 მსოფლიო ჩემპიონატს უმასპინძლებენ

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო