2019-05-31 13:53:39, 1475 ნახვა

---

გოგიჩაიშვილი პრემიერს: რატომ გაუშვით ქობულია და დანიშნეთ ადამიანი, რომელსაც არ აქვს კარგი რეპუტაციული წარსული?!

„რატომ გაუშვით ეკონომიკის მინისტრის თანამდებობიდან გიორგი ქობულია და დანიშნეთ ადამიანი, რომელსაც არ აქვს კარგი რეპუტაციული წარსული“, - ამ კითხვით მიმართა დამოუკიდებელმა დეპუტატმა ლევან გოგიჩაიშვილმა პრემიერ-მინისტრ მამუკა ბახტაძეს პარლამენტის პლენარულ სხდომაზე.

როგორც დეპუტატმა აღნიშნა, ახალი მინისტრი ნათია თურნავა „ოდიოზურ ბიზნესმენებთან არის დაკავშირებული და მათ ინტერესებს ემსახურება“.

„რატომ გაუშვით გიორგი ქობულია და დანიშნეთ თანამდებობაზე ადამიანი, რომელსაც არ აქვს კარგი რეპუტაციული წარსული, დაკავშირებულია ოდიოზურ ბიზნესმენებთან და მათი ინტერესების შესრულებასთან, მათ კომპანიებშია ნამუშევარი და დღესაც მათ ინტერესებს იცავს სამინისტროში. რა იყო გუშინდელი ეს გადაწყვეტილება, რა იყო მერე ეკონომიკის მინისტრის გამოსვლა. ჩემს დღის წესრიგში დგას მისი თანამდებობიდან გადადგომა“, - განაცხადა ლევან გოგიჩაიშვილმა.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი