პარლამენტის ვიცე-სპიკერი თამარ ჩუგოშვილი თემირლან მაჩალიკაშვილის საქმესთან დაკავშირებით საგამოძიებო კომისიის შექმნას მხარს არ დაუჭერს.

 ჩუგოშვილმა აღნიშნა, რომ ამ თემაზე სუს-ის მოხსენებისას, დახურულ სხდომაზე, თითოეულმა პარლამენტარმა საკმარისზე მეტი ინფორმაცია მიიღო.

„მე არ ვაპირებ საგამოძიებო კომისიის შექმნას მხარი დავუჭირო. ჩვენ გვქონდა შესაძლებლობა, რომ უსაფრთხოების სამსახურის უფროსისგან ძალიან მნიშვნელოვანი ინფორმაცია მიგვეღო, როდესაც მისი წლიური ანგარიშის განხილვა ხდებოდა. დეტალებზე, ბუნებრივია, მე ვერ გესაუბრებით, მაგრამ  დახურულ სხდომაზე არა მარტო ჩემთვის, არამედ ყველა პარლამენტის წევრისთვის ძალიან მნიშვნელოვანი ინფორმაციები გაჟღერდა. საკმარისზე მეტი ინფორმაცია მივიღეთ იმისთვის, რომ ამ თემის სენსიტიურობა და მნიშვნელობა კარგად გავიაზროთ. მე არ ვაპირებ ამ კომისიის შექმნის მხარდაჭერას", - განაცხადა თამარ ჩუგოშვილმა.

ავტორი: ექსპრესნიუსი,

სოციალური ქსელები

ბოკუჩავა: რა თქმა უნდა, ვრჩები ნაციონალურ მოძრაობაში, ვიბრძოლებ ბოლომდე!

გვარამიას თქმით, მოსამართლემ არ დააკმაყოფილა ხოშტარიას მდგომარეობის შესწავლის შუამდგომლობა

ზელენსკი: თუ უკრაინა იწვის, თქვენი მოსკოვიც დაიწვება - დადგა დრო, დასრულდეს ეს აგრესია

ხოშტარია: ჯერ მკურნალ ექიმთან არ ყოფილა შეხვედრა, მაგრამ დამპირდნენ, რომ იქნება