სააკაშვილის და  „ნაციონალურ  მოძრაობის“  მმართველობის  პერიოდში  ეს  პრობლემა  არ მგონია  რომ  დამატებით მოგვარებულიყო,  სიტუაცია  მაშინ  ბევრად  უარესი  იყო,  ვიდრე  დღეს  არის,- ამის შესახებ ექსპერტმა ნიკა მეტრეველმა ტელეკომპანია იმედის ეთერში განაცხადა.

მისი თქმით, როდესაც ვსაუბრობთ დავით გარეჯის პრობლემაზე, უნდა გავითვალისწინოთ, რომ ვესაუბრებით მოძმეს ერს, სახელმწიფოს, რომელიც ყოველთვის კრიტიკულ სიტუაციაში ჩვენს გვერდითაა.

„ამ  ხელისუფლების  მთავარი  მონაპოვარია პრინციპული  რეალიზმი  და ადექვატური  გააზრება  არსებული  გამოწვევების,  არსებული  პრობლემებისა  და  შემდეგ  ადექვატური  მიდგომა.  როდესაც  ვესაუბრებით  აზერბაიჯანის  სახელმწიფოსა  და მის  ლიდერებს,  მნიშვნელოვნია  კარგად  გავითავლისწინოთ  ვის ვესაუბრებით. საუბარი  გვაქვს  მოძმე  ერთან, სახელმწიფოსთან,  რომელიც ყოველთვის  კრიტიკულ  სიტუაციაში ჩვენს  გვერდითაა.  თვითონ აზერბაიჯანის სახელმწიფო  მაქსიმალურად   დადებითაა  განწყობილი  ჩვენს  მიმართ  და  ცდილობენ  რომ  პრობლემები  და  გამოწვევები  ერთობლივად,  ნორმალურ  რეჟიმში მოგვარდეს.

ექსპერტმა იმ ძალებზეც ისაუბრა, ვისაც აწყობს პრობლემის გაღვივება და არეულობა და ასეთად მან ნაციონალური მოძრაობა დაასახელა.  აქვე, ხაზგასმით აღნიშნა, რომ გარეჯში უამრავი პატრიოტი ადამიანი ჩადის და გულწრფელად აპროტესტებს იქ არსებულ მდგომარეობას.

,, არის   ბევრი  ძალა, რომელიც  ცდილობს  რომ ეს  პრობლემა  მაქსიმალურად  გართულდეს. ვის  აწყობს ეს?  ეს  აწყობს  ერთი , რუსეთს  ქვეყნის  გარეთ   და   ქვეყნის  შიგნით    „ნაციონალურ  მოძრაობას“,  აწყობს  იმას,  ვისაც  აწყობდა  პანკისში  არეულობა,   ბათუმში  არეულობა  და ა.შ.  მოდით  ვთქვათ პირადპირ, ქვეყნის  შიგნით  ნებისმიერი  არეულობა  აწყობს  „ნაციონალურ  მოძრაობას. უამრავი  ძალიან წესიერი, პატრიოტი  ადამიანია,  რომელსაც  გული  შესტკივა  დავით  გარეჯზე.  ჩადის  იქ  და  აპროტესტებს  იმას,  რაც  იქ  ხდება. მაგრამ ამავე  დროს, ვინ  გამოჩნდა  ამ  პროცესების  დასაწყისში?  გამოჩნდა  დავით  ქაცარავა,  გამოჩნდა  სხვა არაერთი ავანტიურისტი,  რომლებიც  რეალურად ამზადებდნენ ამ  ნიადაგს. ეს ძალები,  ამ სიტუაციაში  ყველაზე იდეალურად  გრძნობენ  თავს.  ესენი  არიან  სიტუაციური  მოკავშირეები  ნაციონალური  მოძრაობის“, რომლებიც ამ  შემთხვევაში   ძალიან  კომფორტულად  გრძნობენ  თავს  და მათთვის  ნებისმიერი  ასეთი  სიტუაცია  არის  მისაღები“, - განაცხადა ნიკა მეტრეველმა.

ექსპერტი უწმინდესის განცხადებასაც გამოეხმაურა და მას იდეალური უწოდა და აღნიშნა , , რომ ადექვატური მიდგომით პრობლემა გადაჭრადია.

იდეალური  განცხადება  გაკეთა  ჩვენმა  უწმინდესმა. ყველანაირად  მორგებული  სიტუაციაზე. ეს  არის  მნიშვნელოვანი,  რომ ყოველგვარი  ემოციის  გარეშე,  ყოველგვარი  ისტერიკის  გარეშე   მაქსიმალურად  ადექვატურად  უნდა  მივუდგეთ  ამ  პრობლემებს.  ეს  პრობლემები  გადაჭრადია. როგორც  ვიზალიბერალიზაციის  დროს,  ბოკერია  და  კანდელაკი  დარბოდნენ  და  ამბობდნენ, საქართველოს ვიზალიბერალიზაცია  არ  მისცეთო.  აი, ასე  ბინძურად  დარბიან  ახლა  და ცდილობენ რომ ცეცხლი  დაანთონ.

(NS)

ავტორი: ექსპრესნიუსი,

სოციალური ქსელები

ბოკუჩავა: რა თქმა უნდა, ვრჩები ნაციონალურ მოძრაობაში, ვიბრძოლებ ბოლომდე!

გვარამიას თქმით, მოსამართლემ არ დააკმაყოფილა ხოშტარიას მდგომარეობის შესწავლის შუამდგომლობა

ზელენსკი: თუ უკრაინა იწვის, თქვენი მოსკოვიც დაიწვება - დადგა დრო, დასრულდეს ეს აგრესია

ხოშტარია: ჯერ მკურნალ ექიმთან არ ყოფილა შეხვედრა, მაგრამ დამპირდნენ, რომ იქნება