„სასულიერო პირები საარჩევნო უბანზე გაჩერდნენ 3-5 წუთი, თუ ამაზე არსებობს შესაბამისი საჩივრები, საარჩევნო ადმინისტრაცია იმსჯელებს“, - ამის შესახებ ცენტრალური საარჩევნო კომისიის პრეს-სპიკერმა ანა მიქელაძემ განაცხადა.

როგორც მიქელაძემ განმარტა, კანონმდებლობა არაუფლებამოსილი პირის საარჩევნო უბანზე ყოფნას არ ითვალისწინებს.

„ზუგდიდის რამდენიმე საარჩევნო უბანზე დაფიქსირდა სამღვდელო პირების მისვლის ფაქტი. მათი სურვილი იყო, რომ ეკურთხებინათ უბანი და კომისიის წევრები. მე-3 საარჩევნო უბანზე მისვლისას, ისინი არ შეუშვეს უბანზე, თუმცა მე-5 და 81-ე საარჩევნო უბნებზე სამღვდელოების წარმომადგენლები უბანზე იმყოფებოდნენ. მათ აკურთხეს საარჩევნო უბანი და კომისიის წევრები. ამასთან დაკავშირებით, საარჩევნო ადმინისტრაცია ხაზგასმით აღნიშნავს, რომ კანონმდებლობა არ ითვალისწინებს არაუფლებამოსილი პირის საარჩევნო უბანზე ყოფნას, რა მიზეზითაც არ უნდა იყოს ის. თუმცა დამატებითი ინფორმაციით შეიძლება ითქვას, რომ ისინი უბანზე გაჩერდნენ მხოლოდ 3-5 წუთის განმავლობაში. თუკი ამაზე არსებობს შესაბამისი საჩივრები, ყველა მათგანზე იმსჯელებს საარჩევნო ადმინისტრაცია და ექნება შესაბამისი კანონისმიერი რეაგირება“, - განაცხადა ანა მიქელაძემ. 

ავტორი: ექსპრესნიუსი,

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი