„ჩვენ დამაჯერებლად ვიმარჯვებთ ამ არჩევნებში და ამის დასტურია პანიკაში მყოფი „ოცნება“, მისი პოლიტიკური პოლიცია სუს-ი, პროვოკატორები, ზონდერები“, - ამის შესახებ გაერთიანებული ოპოზიციის ლიდერმა, გრიგოლ ვაშაძემ ბრიფინგზე განაცხადა.

როგორც მან აღნიშნა, ოპოზიცია მაქდიმალურად აკონტროლებს საარჩევნო უბნებს.

„4 საათია ზუგდიდში და 4 ნაბიჯი რჩება საბოლოო გამარჯვებამდე. აი ძალიან დიდი მადლობა ზუგდიდელებს, ისინი აქტიურად გამოხატავენ საკუთარ არჩევანს საარჩევნო უბნებზე და აქტიურად უჭერენ მხარს გაერთიანებული ოპოზიციის კანდიდატს, ქალბატონ სანდრა რულოვსს. მთელი ქალაქი შემოვიარეთ დღეს და ხალხის განწყობა არის ერთი, რომ ჩვენ დამაჯერებლად ვიმარჯვებთ ამ არჩევნებში და ამის დასტურია პანიკაში მყოფი „ოცნება“, მისი პოლიტიკური პოლიცია სუს-ი, პროვოკატორები, ზონდერები. სიგარეტის კოლოფში ჩაკუჭული ფული, რომელსაც ისინი მოყვანილ ხალხს უხდიან. სრულიად ნირწამხდარი და დემორალიზებული არიან. ამის კიდევ ერთი დასტურია, რომ ე.წ. „ქართული ოცნების“ და ე.წ. ხელისუფლების მთავარი გამყალბებელი შს მინისტრი სასწრაფოდ ჩამოქანდა სამეგრელოში. უზარმაზარი მადლობა ჩვენს დამკვირვებლებს, მხარდამჭერებს, ხალხს, რომლებმაც დღეს აღკვეთეს გაყალბების უამრავი მცდელობა მათ შორის, „კარუსელის“, მოსყიდვის ფაქტები“, - აღნიშნა გრიგოლ ვაშაძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი