შინაგან საქმეთა მინისტრის მოადგილის ნათია მეზვრიშვილის განცხადებით, სამინისტროს კომპეტენციას მიკუთვნებული რაიმე ინციდენტი ამ ეტაპამდე არ დაფიქსირებულა.

როგორც მეზვრიშვილმა გამართულ ბრიფინგზე განაცხადა, თითოეულ ინციდენტზე უწყებას შესაბამისი რეაგირება ექნება. 

"საქართველოს სხვადასხვა ქალაქსა და მუნიციპალიტეტში, დღეს მიმდინარეობს შუალედური და რიგგარეშე არჩევნები. შინაგან საქმეთა სამინისტროს უმთავრესი ამოცანაა მართლწესრიგის დაცვა, ასევე არჩევნების მიმდინარეობის დროს თავისუფალ, უსაფრთხო და მშვიდობიან გარემოში არჩევნების ჩატარების უზრუნველყოფა. ყველას მოვუწოდებთ, რომ დაიცვას კანონი, რათა შენარჩუნდეს უსაფრთხო გარემო, რომელიც ჩვენს მოქალაქეებს მისცემს არჩევანის თავისუფალ გარემოში გაკეთების შესაძლებლობას. სრული პასუხისმგებლობით ვაცხადებთ, რომ შსს რეაგირებას მოახდენს თითოეულ იმ ინციდენტზე, რომელიც მიეკუთვნება სამინისტროს კომპეტენციას, ამასთან სამართალდარღვევის თითოეული ფაქტი იქნება დაუყოვნებლივ აღკვეთილი. ამ ეტაპზე გვსურს საზოგადოებას მივაწოდოთ ინფორმაცია, რომ სამინისტროს მიკუთვნებული რაიმე ინციდენტი ამ ეტაპამდე არ დაფიქსირებულა. ადგილზე მართლწესრიგის უზრუნველყოფის მიზნით უკვე განხორციელდა საქართველოს მასშტაბით საპოლიციო ძალების მობილიზება და საჭიროების შემთხვევაში აღნიშნული პროცესი დღის განმავლობაში გაგრძელდება. აქტიურად ვთანამშრომლობთ ცესკო-სთან, რათა თითოეული ინციდენტი დროულად იქნას აღკვეთილი როგორც უბნებზე, ასევე უბნების მიმდებარე ტერიტორიებზე", - განაცხადა მეზვრიშვილმა და დასძინა, რომ დღის განმავლობაში უწყებაში პერიოდულად ბრიფინგები გაიმართება. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი