2019-05-18 19:04:10, 963 ნახვა
საზოგადოება
ოპოზიცია ზუგდიდის საარჩევნო უბნიდან პირდაპირ ტრანსლირებას და დრონების მობილიზებას აპირებს
გაერთიანებული ოპოზიცია ზუგდიდის თითოეული საარჩევნო უბნიდან პირდაპირ ტრანსლირებას, საარჩევნო უბნების გარეთ კი, დრონების მობილიზებას აპირებს, - ამის შესახებ გაერთიანებული ოპოზიციის ერთ-ერთმა წევრმა ლევან ბეჟაშვილმა ბრიფინგზე განაცხადა.
მისი განცხადებით, ყველაფერი გაკეთდება იმისთვის, რომ არ მოხდეს არჩევნების გაყალბება
„მნიშვნელოვანია, რომ ზუგდიდელმა ამომრჩეველმა იცოდეს, რომ თითოეული საარჩევნო უბნიდან მოხდება პირდაპირი ტრანსლირება საარჩევნო პროცესების მიმდინარეობის, როგორც უბნის შიგნით, ასევე უბნის გარეთ, რაც ყველაზე მთავარია საარჩევნო უბნებთან იქნებიან მობილიზებული დრონები , რომლებიც გააკონტროლებენ საარჩევნო უბნის გარეთ საარჩევნო პროცესს“, - აღნიშნა ლევან ბეჟაშვილმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
