კობახიძე: დარწმუნებული ვარ, რომ ცესკოს თავმჯდომარეს პარლამენტში გამოცხადების პრობლემა არ ექნება

2019-05-16 17:21:20, 1443 ნახვა

კომენტარი

პარლამენტის თავმჯდომარე ირაკლი კობახიძე "ნაციონალური მოძრაობის" მიერ ცენტრალური საარჩევნო კომისიის ხელმძღვანელის თამარ ჟვანიას საკანონმდებლო ორგანოში დაბარების საკითხს ეხმაურება.

„ანგარიშვალდებული ორგანოების დაბარება - ეს არის ფრაქციების პრეროგატივა. მათ აქვთ ამის უფლება და შესაბამისად, გამოცხადდებიან შესაბამისი თანამდებობის პირები და დარწმუნებული ვარ, არც ცესკოს თავმჯდომარეს ექნება პრობლემა ამასთან დაკავშირებით",- განაცხადა კობახიძემ.

მისი თქმით, ანგარიშვალდებული ორგანოების წარმომადგენლები პლენარულ სხდომაზე გამოცხადდებიან და ყველა კითხვაზე გასცემენ პასუხს.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან