სახალხო დამცველი ნინო ლომჯარია ზუგდიდში სანდრა რულოვსის შტაბის წევრებსა და მედიის წარმომადგენლებზე თავდასხმას გამოეხმაურა.

ლომჯარია შსს-ს მოუწოდებს საქმე არა მხოლოდ ცემის, არამედ ჟურნალისტური საქმიანობისთვის ხელის შეშლის ფაქტზეც აღძრას.

„ჩემთვის საყურადღებო იყო ის ფაქტი, რაც რამდენიმე დღის წინ დაფიქსირდა, განსაკუთრებით მედიის წარმომადგენლების მიმართ ფიზიკური ანგარიშსწორების და მათი საქმიანობისთვის ხელის შეშლის ფაქტი. ველოდები, რომ შინაგან საქმეთა სამინისტრო გამოძიებას არამხოლოდ ცემის, არამედ ჟურნალისტური საქმიანობისთვის ხელის შეშლის მიმართულებითაც დაიწყებს. მიმდინარეობს საგამოძიებო მოქმედებები და იმედი მაქვს, ეს გარემოება არ იქნება მხედველობის მიღმა დარჩენილი. ჩემი წუხილის საგანია ის, რომ დაპირისპირების ძალიან მაღალი რისკი არსებობს. მინდა, მივმართო ყველა პოლიტიკურ პარტიას, გამოიჩინონ მაქსიმალური პასუხისმგებლობა, რათა არჩევნების დღეს დაძაბულობა თავიდან ავირიდოთ“, - აცხადებს ნინო ლომჯარია.

შეგახსენებთ, 14 მაისს, გაერთიანებული ოპოზიციის ზუგდიდის მერობის კანდიდატ სანდა რულოვსს უცნობმა პირებმა სიტყვიერი შეურაცხყოფა მიაყენეს. შემთხვევა დადიანების სასახლის ეზოში მოხდა, სადაც ტელეკომპანია „ოდიში“ სანდრა რულოვსზე სიუჟეტს ამზადებდა. გარდა ამისა, უცნობმა პირებმა ოპერატორისთვის და ფოტოგრაფისთვის კამერების წართმევა სცადეს. კონფლიქტში სასახლის დაცვის თანამშრომლების ჩარევა გახდა საჭირო.

ავტორი: ექსპრესნიუსი,

სოციალური ქსელები

ხმაური იყო მარნეულის სოფელ შულავერში გამართულ აქციაზე - ვიდეო

Global Finance-ის დაჯილდოების ცერემონიაზე საქართველოს ბანკს მდგრადი დაფინანსების მიმართულებით საქართველოში საუკეთესო ბანკის ჯილდო გადაეცა

კობახიძემ ომში მყოფი უკრაინა გააკრიტიკა- უკრაინაში ჩამოქცეულია ეკონომიკა, დანგრეულია ინფრასტრუქტურა

დათუნაშვილი -კობახიძე აქამდე საოკუპაციო ხაზთან არ იყო ნამყოფი, ახლა დაემატა, რომ ბაზარსა და მაღაზიაშიც არ არის ნამყოფი