2019-05-10 15:04:09, 1213 ნახვა
საზოგადოება
სენაკში 24 მოსწავლე ინტოქსიკაციის ნიშნებით საავადმყოფოში გადაიყვანეს
სენაკის ერთ-ერთ სკოლაში 24 მოსწავლე ცუდად გახდა, რის გამოც ისინი ადგილობრივ ბავშვთა საავადმყოფოში გადაიყვანეს.
საავადმყოფოს დირექტორის იამზე დგებუაძის ინფორმაციით, კლინიკაში მოთავსებული ბავშვების სიცოცხლეს საფრთხე არ ემუქრება.
„24 ბავშვი შემოიყვანეს, 18 სასწრაფომ მოიყვანა, 6 თვითონ მოვიდა. თავიდან 4-5 ბავშვის მდგომარეობა იყო არადამაკმაყოფილებელი, დანარჩენები უფრო სტრესულ მდგომარეობაში იყვნენ. სავარაუდოდ, ინტოქსიკაციაა, თუმცა ვერ გეტყვით, რას შეეძლო გამოეწვია“, - აღნიშნა დგებუაძემ.
მისივე ინფორმაციით, მოსწავლეები საავადმყოფოში ტოქსიკოლოგის ჩასვლამდე დარჩებიან, რომელიც ზუგდიდან გამოიძახეს.
ინფორმაციას "ქრონიკა" ავრცელებს.
ავტორი: ლუკა ცარციძე, ექსპრესნიუსის რეპორტიორი 2019 წლიდან
epn.ge (@expressnews.ge)
