2019-05-07 10:55:30, 1097 ნახვა
საზოგადოება
დავით ქაცარავამ ანტისაოკუპაციო მოძრაობასთან ერთად დავით გარეჯის ტერიტორიაზე პატრულირება დაიწყო
დავით ქაცარავამ მის მიერ დაარსებულ ანტისაოკუპაციო მოძრაობა „ძალა ერთობაშია“-სთან ერთად დავით გარეჯის მიმდებარე ტერიტორიაზე პატრულირება დაიწყო.
ქაცარავა აცხადებს, რომ თუ აზერბაიჯანელი მესაზღვრეები მოქალაქეებს დავით გარეჯის მიმართულებით გადაადგილებას შეუზღუდავენ, სამოქალაქო მოძრაობის წევრები მათ ხელს შეუშლიან.
„გადავწყვიტეთ, რომ მშვიდობიანი სამოქალაქო პატრულირება დავიწყოთ, რომელიც, ბუნებრივია, მხოლოდ იმ მარშრუტებზე იქნება მომართული, სადაც ტურისტები დადიან. სასწრაფოდ სიტუაციის დეესკალაციაა საჭირო, მაგრამ, ბუნებრივია, არა ჩვენი სახელმწიფოებრივი ინტერესების ხარჯზე. ვგულისხმობთ იმას, რომ არავითარ შემთხვევაში არ უნდა მოხდეს ჩვენთვის, საქართველოს მოქალაქეებისთვის, დავით გარეჯში თავისუფალი გადაადგილების საშუალების შეზღუდვა,“-განაცხადა დავით ქაცარავამ.
ავტორი: ექსპრესნიუსი,
epn.ge (@expressnews.ge)
