პარლამენტში, დარგობრივი ეკონომიკისა და ეკონომიკური პოლიტიკის, საპროცედურო საკითხთა და წესების, საფინასო-საბიუჯეტო და იურიდიულ საკითხთა კომიტეტების გაერთიანებულ სხდომაზე „საქართველოს ეროვნული ბანკის შესახებ“ კანონპროექტს დეპუტატებმა პირველი მოსმენით მხარი დაუჭირეს.

სხდომა ხმაურის ფონზე წარიმართა.  კანონპროექტის მიღების საჭიროებას და მართებულობას ვერ ხედავენ საპარლამენტო უმცირესობის წევრები. მათ მიაჩნიათ, რომ შვიდი თვის შემდეგ, როდესაც ეროვნული ბანკის ახალ პრეზიდენტს აირჩევენ, ეს ცვლილებები თავიდან შესაცვლელი გახდება.

როგორც საპარლამენტო უმცირესობის დეპუტატმა ლევან თარხნიშვილმა სხდომაზე განაცხადა, კანონში ცვლილება მხოლოდ ერთი ადამიანის აზრის ,,გაპრავებას" უკავშირდება.

დეპუტატის ამ განცხადებას სხდომაზე ხმაური მოჰყვა. დეპუტატმა ვიქტორ ჯაფარიძემ თარხნიშვილს გარეწარი უწოდა, ხოლო თამაზ მეჭიაურმა ოპოზიციონერი დეპუტატი არჩევნების გამყალბებლად მოიხსენია.

კანონპროექტის ინიციატორების, თამაზ მეჭიაურისა და ნოდარ ებანოიძის განცხადებით, კანონპროექტის შექმნა განაპირობა ფინანსური სექტორის ზედამხედველობის მიზნით ეფექტური და დამოუკიდებელი ინსტიტუტის შექმნის აუცილებლობამ, რომელიც არ იქნება პოლიტიზირებული და ორიენტირებული იქნება მხოლოდ საფინანსო სექტორის ფინანსური მდგრადობისა და გამჭვირვალობის ხელშეწყობაზე, ასევე მომხმარებელთა და ინვესტორთა უფლებების დაცვაზე. ცვლილების არსი კი იმაში მდგომარეობს, რომ 2015 წლის 1 ივლისიდან საქართველოს ეროვნულ ბანკთან შეიქმნება სსიპ -საქართველოს ფინანსური ზედამხედველობის სააგენტო, რომელიც აღნიშნულ ფუნქციებს განახორციელებს.

ხანგრძლივი განხილვის შემდეგ, კომიტეტებმა კენჭი უყარეს წარმოდგენილ კანონპროექტს. კენჭისყრაში მონაწილეობა არ მიუღიათ  საპარლამენტო უმცირესობის  წევრებს. დავით ონოფრიშვილმა კი „თავისუფალი დემოკრატების“ სახელით უარყოფითი პოზიცია დააფიქსირა. რამდენადაც ინიციატორებმა განაცხადეს, რომ გაიზიარეს გამოთქმული შენიშვნები და ისინი  პლენარულ სხდომაზე პირველი მოსმენით განსახილველად  გატანილ დოკუმენტში აისახება, ასეთი დათქმით კომიტეტებმა მხარი დაუჭირეს მას.

ცნობისთვის, კანონპროექტი  საფინანსო ზედამხედველობის სააგენტოს ეროვნული ბანკის შემადგენლობიდან გამოყოფას ითვალისწინებს.

მისი ინიციატორები საპარლამენტო უმრავლესობის წევრები თამაზ მეჭიაური და ნოდარ ებანოიძე არიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის თქმით, თუ ირანთან სამშვიდობო შეთანხმების მიღწევა არ მოხდება, მაშინ აშშ დაბომბვას განაახლებს

ტერიტორია დაატოვებინეს აქტივისტს, რომელიც კობახიძის ბრიფინგის პარალელურად, კანცელარიასთან, საპროტესტო წარწერით მივიდა

2026 წლის მასწავლებლის ეროვნულ ჯილდოზე განაცხადების მიღება დაიწყო - პროექტის მხარდამჭერი „საქართველოს ბანკია“

ბოლო 5 თვეში მდინარაძემ კობახიძისგან მე 5-ე, გენერალ-მაიორის წოდება მიიღო