სახელმწიფო სერვისების განვითარების სააგენტო მედიაში გავრცელებულ ინფორმაციასთან დაკავშირებით,  წინასაარჩევნოდ მოქალაქეთა ზუგდიდში რეგისტრაციის შესახებ,  განმარტებას აკეთებს:

სააგენტოს მონაცემთა ბაზის თანახმად, 2019 წელს, 1 იანვრიდან დღემდე, ზუგდიდის მუნიციპალიტეტში  მხოლოდ 310 ადამიანი დარეგისტრირდა, მათგან 101 პირი სხვა რეგიონიდან ან მუნიციპალიტეტიდან გადავიდა, 209 პირი კი ისედაც ზუგდიდის მკვიდრი იყო, რომლებიც ერთი მისამართიდან მეორეზე გადავიდნენ საცხოვრებლად.

„მეტი სიცხადისთვის და შემდგომში გაურკვევლობების თავიდან ასაცილებლად, გთავაზობთ  იმ მუნიციპალიტეტების მოქალაქეთა რეგისტრაციის ცვლილების  სტატისტიკურ მონაცემებს, სადაც საქართველოს პარლამენტის შუალედური და მუნიციპალიტეტების მერების რიგგარეშე არჩევნები ტარდება.

სახელმწიფო სერვისების განვითარების სააგენტო ასევე ეხმიანება დღეს ერთ-ერთი საინფორმაციო სააგენტოს მიერ გავრცელებულ ინფორმაციასაც, თითქოს თბილისის მკვიდრს - ლელა ბექაურს ამ დღეებში რეგისტრაციის ადგილი შეეცვალა და საცხოვრებლად, თბილისის ნაცვლად, ზუგდიდში მდებარე მისამართზე დარეგისტრირდა.

 სახელმწიფო სერვისების განვითარების სააგენტომ გადაამოწმა საინფორმაციო სააგენტოს მიერ გავრცელებული ინფორმაცია და აღნიშნული მოქალაქის მონაცემი, რის საფუძველზეც განმარტავს, რომ ლელა ბექაური 2004 წლიდან რეგისტრირებულია თბილისის ზღვის უბანში, მეტიც - ხსენებულ ქალბატონს არა თუ არ შეუცვლია საცხოვრებელი მისამართი, მას ამგვარი მოთხოვნით არც კი მოუმართავს სახელმწიფო სერვისების განვითარების სააგენტოსთვის“, - ნათქვამია განცხადებაში.

(NS)

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია