2019-04-25 15:44:30, 1826 ნახვა
კომენტარი
კობახიძე დავით გარეჯზე: პრობლემას ჩვენს აზერბაიჯანელ მეგობრებთან ერთად აუცილებლად გადავჭრით
პარლამენტის თავმჯდომარე ირაკლი კობახიძე აზერბაიჯანელი მესაზღვრეების მიერ დავით გარეჯისკენ მიმავალი გზის ჩაკეტვას ეხმაურება.
მისი თქმით, ინფორმაცია დაზუსტებას საჭიროებს, თუმცა ეჭვი არ ეპარება, რომ აზერბაიჯანულ მხარესთან ერთად ამ პრობლემას აუცილებლად გადაჭრიან.
"პირველ რიგში, ინფორმაციის დაზუსტება დამჭირდება. დარწმუნებული ვარ, თუ რაიმე პრობლემა შეიძლება იყოს, ჩვენ ამ პრობლემას ჩვენს აზერბაიჯანელ მეგობრებთან ერთად აუცილებლად გადავჭრით“, - განაცხადა ირაკლი კობახიძემ.
ცნობისთვის, დავით გარეჯის მამათა მონასტრის არქიმანდრიტის, კირიონის (ონიანი) ინფორმაციით, უკვე სამი დღეა, აზერბაიჯანელმა მესაზღვრეებმა უდაბნოს მონასტერი ჩაკეტეს.
ავტორი: ექსპრესნიუსი,
epn.ge (@expressnews.ge)
