„ევროპული საქართველო“ და თავისუფალი დემოკრატები“ ხვალ უზენაესი სასამართლოდან პარლამენტამდე საპროტესტო მსვლელობას გამართავს, - ამის შესახებ მთაწმინდის შუალედური არჩევნების მაჟორიტარობის კანდიდატმა, შალვა შავგულიძემ დღეს გამართულ ბრიფინგზე განაცხადა.

როგორც შავგულიძემ აღნიშნა, პროტესტის მიზანი საპარლამენტო უმრაველსობის მიერ წამოყენებული კანონპროექტის დაგმობაა, რომელიც იუსტიციის უმაღლეს საბჭოში დასანიშნ მოსამართლეებს ეხება

ამასთან, მისივე ცნობით, მსვლელობა 02:30-ზე დაიწყება.

„ბიძინა ივანიშვილს გადაწყვეტილი აქვს, რომ სრული კონტროლი განამტკიცოს სასამართლოს მთელ ვერტიკალზე, სწორედ ამიტომ, „ქართული ოცნების“ საპარლამენტო უმრავლესობა აპირებს, რომ ხვალ ხმა მისცეს კანონს, რომელიც იუსტიციის საბჭოში გაბატონებულ ე.წ. მურუსიძე-ჩინჩალაძის კლანს შესაძლებლობას მისცემს პარლამენტს უზენაესი სასამართლოს მოსამართლეობის კანდიდატებად წარუდგინონ თვითნებურად, ყოველგვარი ობიექტური კრიტერიუმების გარეშე მხოლოდ საკუთარი შეხედულობებისამებრ ისეთი პიროვნებები, რომლებიც ამ „კლანის“ მიერ შერჩეული იქნებიან არა სამართლის, არამედ ხელისუფლების მსახურებისათვის მზადყოფნის ნიშნით. როგორც პარლამენტის თავმჯდომარის გუშინდელი განცხადებიდან ჩანს, „ქართული ოცნება“ არ აპირებს გაითვალისწინოს ვენეციის კომისიის რეკომენდაციები და რომ არ დააკომპლექტოს იუსტიციის უმაღლესმა საბჭომ, რომლის მიმართ საზოგადოების ნდობა არის დაბალი და ამ მოწვევის საპარლამენტო უმრავლესობამ არ დაამტკიცოს უზენაესი სასამართლოს სრული შემადგენლობა. ვინაიდან ეს დააზიანებს საოზგადოების ნდობას. „ქართული ოცნება“ ასევე არ აპირებს ვენეციის კომისიის, ისევე როგორც არასამთავრობო სექტორის, საპარლამენტო თუ არასაპარლამეტო ოპოზიციის სხვა შენიშვნებიც ამ კანონპროექტთან დაკავშირებით. შექმნილ ვითარებაში მივმართავთ ყველას, ვისთვისაც ძვირფასია სამართლის უზენაესობა, ვისაც სურს ჩვენს ქვეყანაში სამართლიანობის დამკვიდრება შემოგვიერთდით ხვალ საპროტესტო მსვლელობაში 2:30 საათზე უზენაესი სასამართლოდან პარლამენტამდე, რათა „ქართული ოცნების“ საპარლამენტო უმრაველსობას დავანახოთ და ვეცადოთ შევასმინოთ საზოგადოების პროტესტი ამ მავნებლური კანონის მიმართ“, - განაცხადა შალვა შავგულიძემ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ბოკუჩავა: პრეზიდენტ სააკაშვილის პოსტი უცნაურია, მსგავსმა იმპულსურმა გადაწყვეტილებებმა მიგვიყვანა იქამდე, სადაც ვართ

ევროპარლამენტმა საქართველოზე კრიტიკული ანგარიში მიიღო

საქართველოში დიდი ბრიტანეთის ელჩი საგარეო უწყებაში დაიბარეს

სააკაშვილი: ჩემი თავმჯდომარეობის კანდიდატი არის ნანუკა ჟორჟოლიანი