ჯანეზაშვილი: ვენეციის კომისიას გაუჩნდა ეჭვები, რომ პარლამენტსა და იუსტიციის საბჭოს შორის არის არაფორმალური შეთანხმება

2019-04-17 11:57:07, 1177 ნახვა

პოლიტიკა

ვენეციის კომისიას გაუჩნდა ეჭვები, რომ საქართველოს პარლამენტში და იუსტიციის უმაღლეს საბჭოში არის გარკვეული არაფორმალური შეთანხმება, - ამის შესახებ იუსტიციის უმაღლესი საბჭოს არამოსამართლე წევრმა, ნაზი ჯანეზაშვილმა ჟურნალისტებს ირაკლი კობახიძის, დიპლომატიურ კორპუსთან, არასამთავრობო ორგანიზაციების და ხელისუფლების სამივე შტოს წარმომადგენლებთან შეხვედრის დაწყებამდე განუცხადა.

ჯანეზაშვილის შეფასებით, მისასალმებელია, კომისიის ის რეკომენდაცია, რომლის მიხედვითაც, პარლამენტმა სრულად არ უნდა დააკომპლექტოს უზენაესი სასამართლო.

„მივესალმები ამ რეკომენდაციას, რომ სწორედ მრავალფეროვნებას უჭერს მხარს ვენეციის კომისია. როგორც ჩანს, ვენეციის კომისიას გაუჩნდა ეჭვები, რომ საქართველოს პარლამენტში და იუსტიციის უმაღლეს საბჭოში არის გარკვეული, ასე ვთქვათ, არაფორმალური შეთანხმება, თუნდაც ის სიის წარმოდგენა და შემდეგ გარკვეული განვითარებული პროცესების სწორედ ამაზე მეტყველებს და არც ნდობას არ უცხადებს იუსტიციის უმაღლეს საბჭოს და როგორც ჩანს არც პარლამენტს, რადგან თქვა, რომ ამ პარლამენტმა სრულად არ დააკომპლექტოს უზენაესი სასამართლო“, - აღნიშნა ნაზი ჯანეზაშვილმა.

Patreon P მხარი დაუჭირე "ექსპრესნიუსს" →

ავტორი: ელენე გვიმრაძე, ექსპრესნიუსის რეპორტიორი 2018 წლიდან