თბილისის მერმა კახა კალაძემ დღევანდელ მთავრობის სხდომაზე მეტროპოლიტენის გათიშვის სტატისტიკა გაასაჯაროვა. 

კალაძემ ვიცე-მერს, ირაკლი ხმალაძემ საზოგადოებრივ ტრანსპორტთან დაკავშირებული პრობლემების უმოკლეს დროში გადაწყვეტა დაავალა. როგორც მერმა აღნიშნა, მეტროზე მოთხოვნა ბოლო პერიოდის განმავლობაში საგრძნობლად გაზრდილია. მისივე განმარტებით, მერია ყველაფერს გააკეთებს რომ საზოგადოებრივი ტრანსპორტი მგზავრებს შეუცერხებლად ემსახურებოდეს. 

"საზოგადოებას მეტი მოთხოვნა აქვს ჩვენს მიმართ, პირადად ჩემს მიმართ უფრო მეტი აქვთ იმედიც, შესაბამისად, ეს არ უნდა გაგიკვირდეთ არავის. როდესაც ენერგეტიკის მინისტრად დავინიშნე და ელექტროენერგია ითიშებოდა, ეს რა თქმა უნდა თელასის პრობლემა იყო, ავარიები იყო და დღესაც არის ეს. სანამ ჩვენ მოვიდოდით ხელისუფლებაშ, მანამდეც იყო. ყველა ამბობდა, აბა კალაძე, სად არის ელექტროენერგია გამოუშვი. ამით იმის თქმა მინდა, რომ არ უნდა გაგიკვირდეთ ეს დამოკიდებულება, თან მე ახლა პოლიტიკური ფიგურა ვარ, პარტიის გენერალური მდივანი ვარ. სხვათაშორის, ხალხს ძალიან დიდი იმედი აქვს ჩვენი და მოთხოვნაც მეტია, რომ ყველაფერი იყოს მოწესრიგებული. საზოგადოებრივ ტრანსპორტში არსებული სიტუაცია არავისთვის მისაღები არ არის, არც ჩემთვის და არც მოსახლეობისთვის. პირობას გაზლევთ, რომ თითით საჩვენებელი დედაქალაქის მთავრობა, რომელიც საზოგადოებრივ ტრანსპორტს ისე მოაგვარებს, რომ ბევრ ევროპულ ქვეყანაში არ იქნება ასეთი ტრანსპორტი. ამის ამბიცია ნამდვილად მაქვს. ახლა მინდა გაგაცნოთ სტატისტიკა -  2017 წელს დაფიქსირდა 326 დაზიანება, მათ შორის მგზავრების ევაკუაციის 95 შემთხვევა, 2018 წელს 305 დაზიანება იყო, მგზავრების ევაკუაციის 92 შემთხვევით. 2019 წელს გვაქვს 100 დაზიანება, მათ შორის მგზავრების ევაკუაციის 26 შემთხვევა. მგზავრების რაოდენობა მეტროში არის ძალიან გაზრდილი. მაგალითად 2016 წელს დღეში მგზავრის საშუალება რაოდენობა იყო 273 ათასი, 2019 წელს ეს მაჩვენებელი 100 ათასით არის გაზრდილი. მთავარი გამოწვევა, რომ საზოგადოებრივი ტრანსპორტი როგორც მეტრო ასევე ავტობუსები იყოს ყველანაირად მოწესრიგებული. ამდენი ხნის განმავლობაში რამდენიმე ჩამონგრეული მეტროსადგური ვერ გავაკეთეთ გარკვეული პრობლემების გამო, ხან პროექტი არ არ ვარგა, ხან ტენდერი ვარდება", - განაცხადა კახა კალაძემ. 

ავტორი: ლუკა ცარციძე, ექსპრესნიუსის რეპორტიორი 2019 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია