პრემიერ-მინისტრის ირაკლი ღარიბაშვილის განცხადებით, საქართველოს მოქალაქეთა პირადი დანახარჯები სამედიცინო მომსახურებაზე 1 წელიწადში თითქმის 20%-ით შემცირდა. 

როგორც ღარიბაშვილმა საქართველოში ჯანდაცვის სერვისებით სარგებლობისა და დანახარჯების კვლევა 2014-ის პრეზენტაციაზე განაცხადა,  2010 წელთან შედარებით 2014 წელს ავადმყოფობის გამო მოსახლეობა სულ უფრო ხშრად აკითხავს ჯანდაცვის დაწესებულებებს. 

„შემცირებულია მკურნალობის ხარჯები. განახევრდა იმ ადამიანთა რაოდენობა, რომლებიც უარს ამბობდნენ სამედიცინო მომსახურებაზე თანხების უქონლობის გამო, რაც იყო ერთ-ერთი მთავარი გამოწვევა. ათასობით ადამიანი საავადმყოფოში ვერ მიდიოდა. ხშირ შემთხვევაში მათ უწევდათ საკუთრი სახლის , ავტომობილის გაყიდვა, იმის გამო, რომ ელემენტარული მკურნალობა მიეღო, ან ოპერაცია გაეკეთებინა. სწორედ, ჩვენი ვალდებულებაა, სახელმწიფომ იზრუნოს საკუთარ მოქალაქეებზე და ჩვენ გვიხარია, რომ ეს მოვახერხეთ.  ასევე გაიზარდა სერვისებზე ხელმისაწვდომობა და განსაკუთრებით მინდა აღვნიშნო ჩვენი მიღწევები რეგიონებსა და სოფლებში, სადაც ძალიან რთული ვითარება იყო-ჯერ კიდევ არის ღთული ვითრება, თუმცა ჩვენ ამას ეტაპობრივად ვაგვარებთ. ჩვენ დღეს უმთავრესი შევძელით, რომ ჩვენს ხალხს გვერდში უდგას სახელმწიფო. მის ჯანმრთელობაზე ზრუნავს სახელმწიფო“, - აღნიშნა პრემიერმა. 

ამასთან, მისივე თქმით, ჯანდაცვის მსოფლიო ორგანიზაციის, მსოფლიო ბანკის და აშშ-ს საერთაშორისო განვითრების სააგენტოს მიერ ჩატარებული ჯანდაცვის სერვისებით სარგებლობისა და დანახარჯების კვლევაში საქართველოს მთვრობის მიერ ჯანდაცვის სფეროში განხორციელებული რეფორმა აისახა, რაც პრემიერის განცხადებით, საქართველოს მთავრობისთვის ძალიან დიდი სტიმულია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: ქვეყანა სწორედ 2012 წლიდან დაადგა შეუქცევადი განვითარების გზას და იქცა სახელმწიფოდ, რომლის ამოსავალი წერტილი ადამიანია,

ფაშინიანი ხელახლა არჩევის შემთხვევაში სომხეთის სამოციქულო ეკლესიის დაბეგვრას გეგმავს

EBRD-ის, ADB-ისა და საქართველოს ბანკის თანამშრომლობით, რეგიონული კონფერენცია „Digital Trade for Growth in the Middle Corridor : Foundations, Finance and Adoption“ გაიმართა

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა