„რუსეთი ოკუპანტია“ - ამ სლოგანით სამოქალაქო აქტივისტმა გიგა მაქარაშვილმა „დამოუკიდებლობის მარში“ დაიწყო.

აქცია-მსვლელობა, რომელიც გორიდან დაიწყო, მესტიაში დასრულდება.

„სიმბოლურად, 9 აპრილს, თავისუფლებისთვის მებრძოლი გმირების დაღუპვის დღეს, გორიდან ფეხით მსვლელობას ვიწყებ. ჩემი მიზანია, შემოვიარო საქართველოს, დაახლოებით  50-მდე  ქალაქი და 400-მდე სოფელი  და  26 მაისს, საქართველოს დამოუკიდებლობის დღეს, მესტიაში დროშა აღვმართო“, - აცხადებს გიგა მაქარაშვილი.

შეგახსენებთ, სლოგანით „რუსეთი ოკუპანტია“ მაქარაშვილი უკვე მესამე აქცია-მსვლელობას მართავს. პირველი მსვლელობისას მან  2008 წლის აგვისტოს ომის ათი წლისთავთან დაკავშირებით საქართველოს ოკუპაცია თბილისიდან საოკუპაციო ხაზამდე ფეხით მსვლელობით გააპროტესტა. კიდევ ერთი მსვლელობა მაქარაშვილმა სოხუმის დაცემას მიუძღვნა. მან მსვლელობა 14 სექტემბერს თბილისიდან დაიწყო და 13 დღეში ენგურის ხიდზე დაასრულა.

ავტორი: ექსპრესნიუსი,

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია