2019-04-02 17:06:41, 1469 ნახვა

---

ბესელია ომბუდსმენის ანგარიშზე: პარლამენტმა მკაცრი რეაგირება უნდა მოსთხოვოს სამართალდამცავ ორგანოებს

პარლამენტის დამოუკიდებელი დეპუტატი ეკა ბესელია მიიჩნევს, რომ სახალხო დამცველის ანგარიში საკმაოდ მწვავეა. 

მისივე თქმით, ომბუდსმენის ანგარიში პარლამენტის მხრიდან დაუყონებლივ რეაგირებას საჭიროებს.

„აშკარად ჩანს, რომ ეს ანგარიში არის ბევრად უფრო კრიტიკული, ვიდრე იყო გასული წლის. ეს მაწუხებს, რადგან ადამიანის უფლებების დაცვის კუთხით, ტემპი რომელიც გვქონდა გასული წლების განმავლობაში არ უნდა გაუარესდეს. კრიტიკული შენიშვნები და ფაქტები სადაც საუბარია გამოუძიებელ საქმეებზე და უფლებების დარღვევების სერიოზულ შემთხვევებზე, იწვევს ძალიან დიდ წუხილს. საჭირო იქნება პარლამენტმა აიღოს საკონტროლო ფუნქცია და ძალიან მკაცრი რეაგირება მოსთხოვოს სამართალდამცავ ორგანოებს, რომ ფაქტებზე რომელზეც მიუთითებს სახალხო დამცველი, დაიდოს კონკრეტული შედეგები უმოკლეს ვადებში“, - განაცხადა ბესელიამ.

---

ავტორი: ექსპრესნიუსი,

---

დღის თემა

მთავარი თემა

ინტერვიუ - ექსკლუზივი