შუახევის ინტელექტ-კლუბი 5 წლისაა. საიუბილეო თარიღთან დაკავშირებით, შუახევის ინტელექტ-კლუბმა მუნიციპალიტეტის მერიის და საკრებულოს მხარდაჭერით დაიწყო საქველმოქმედო პროექტი ,,ვიზრუნოთ ერთმანეთზე“. პროექტი გულისხმობს ფასიანი თამაშების ჩატარებას, რომელიც მიზნად ისახავს თამაშზე შემოსული თანხის გადაცემას მუნიციპალიტეტში მცხოვრებ უკიდურესად გაჭირვებულ ოჯახებზე.

პირველი საქველმოქმედო თამაში დღეს გაიმართა სოფელ კარაპეტში მცხოვრებ 11წლის ლიკა ზოიძის დასახმარებლად, რომელსაც გადაუდებელი მკურნალობა ესაჭიროება.

ინტელექტუალურ თამაშში მონაწილეობდნენ შუახევის მერი ფრიდონ ფუტკარაძე, საკრებულოს თავმჯდომარე გიორგი დავითაძე, მერის მოადგილე რუსუდან შავაძე, რესურსცენტრის ხელმძღვანელი ედუარდ გოგრაჭაძე, საჯარო სკოლის დირექტორები და პედაგოგები, ორგანიზაციების წარმომადგენლები, სულ 16 გუნდი.

 პირველი ადგილი შუახევის კულტურის ცენტრმა მოიპოვა, მეორე და მესამე ადგილები გუნდებმა ,,ოჯახი“ და ,,შუბანი უნივერსალი“ გადაინაწილეს.

გამარჯვებულ გუნდებს სიგელები შუახევის საკრებულოს თავმჯდომარე გიორგი დავითაძემ, მერის მოადგილე რუსუდან შავაძემ და შუახევის ინტელექტ- კლუბის ხელმძღვანელმა ზვიად ფუტკარაძემ გადასცეს.

 საქველმოქმედო აქციაში გარდა ინტელექტუალურ თამაშში მონაწილე გუნდებისა აქტიურად იყვნენ ჩართული მუნიციპალიტეტის თვითმმართველობა, ორგანიზაციები და საჯარო სკოლები.

 შუახვის თვითმმართველობა, შუახევის ინტელექტ - კლუბი საქველმოქმედო აქციაში მონაწილეობისა და აქტიური მხარდაჭერისთვის მადლობას უხდის ყველა მონაწილეს.

(NS)

ავტორი: ექსპრესნიუსი,

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის