ერევანის ცენტრში მიმდინარე აქციაზე სამართალდამცველებმა 240-მდე აქტივისტი დააკავეს.

"ინტერფაქსის" ინფორმაციით, არიან დაშავებულებიც, 7-მა დემონსტრანტმა და 11-მა პოლიციელმა სხვადასხვა სახის დაზიანება მიიღო, რამდენიმე მათგანი კი ჰოსპიტალში გადაიყვანეს.

პოლიციამ მომიტინგეების დასაშლელად წყლის ჭავლიც გამოიყენა. ამასთან, სამართალდამცველებმა პრეზიდენტის რეზიდენციისკენ მისასვლელი გზა გადაკეტეს და აქციის მონაწილეებს მასთან მიახლოების შესაძლებლობა არ მისცეს. დემონსტრანტები პრეზიდენტ სერჟ სარქისიანთან შეხვედრას მოითხოვდნენ.

ერევანის ცენტრში ბაგრამიანის გამზირზე 19 ივნისიდან საპროტესტო აქცია მიმდინარეობს. მოსახლეობა ელექტროენერგიაზე ფასების გაზრდის გადაწყვეტილებას აპროტესტებს. ახალი ტარიფი ძალაში 1-ელი აგვისტოდან უნდა შევიდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს