სოციალური მუშაკებს ეყოთ კეთილსინდისიერება და სისამაცე ეღიარებინათ, რომ ამ რესურსებით, რასაც მათ სახელმწიფო სთავაზობს, შეუძლებელია მოემსახურონ ამ ქვეყანაში ყველაზე დაუცველ ადამიანებს, - ამის შესახებ სოციალურმა მუშაკმა, ქეთევან ხუციშვილმა ადამიანის უფლებათა დაცვისა და სამოქალაქო ინტეგრაციის კომიტეტის სხდომაზე განაცხადა.

 სოცმუშაკმა ჩამოაყალიბა ყველა ის პრობლემა, რომელიც პრობლემას მათი საქმიანობის განხორციელებისთვის წარმოადგენს.

 „სოციალური მუშაკები არ გაფიცულან იმისთვის, რომ ისინი ითხოვენ თავიანთ პირად კომფორტს, მანქანებს, კაბინეტებს და ა.შ. ამ ადამიანებს ეყოთ კეთილსინდისიერება და ეყოთ სისამაცე ეღიარებინათ, რომ ამ რესურსებით, რასაც მათ სახელმწიფო სთავაზობს შეუძლებელია მოემსახურონ ამ ქვეყანაში ყველაზე დაუცველ ადამიანებს. სოციალური სამსახური ეს არის ხერხემალი, რომელიც თუ არ გაიმართა, ადამიანების უფლებებს ამ ქვეყანაში ვერ დავიცავთ. სოციალური მუშაკები გაიფიცნენ თავიანთი მუშაკების დასაცავად,  ზუსტად ეს იყო ერთადერთი მიზეზი, რამაც ამ ადამიანებს აიძულა ეს ადამიანები 5 დღეს, მთელი საქართველოს მასშტაბით, ყინვაში ყოფნა და გუშინ ჩემი კოლეგა მინისტრთან შეხვედრისას ამბობდა, რომ მე მესიზმრება ჩემი საქმეები და მედარდება ჩემი ბენეფიციალები. ჩვენ შიშველი ხელებით ვერ დავბრუნდებით ამ ადამაინებთან და ვერ ვეტყვით, რომ ვერც ახლა ვერ გთავაზობთ ვერაფერს, რასაც წლების განმავლობაში ვერ გთავაზობდით. თბილისის ხუთივე სოციალური მომსახურების ცენტრს სჭირდება ფსიქოლოგი და რეგიონებში უნდა იყოს მინიმუმ 2 ფსიქოლოგი. ასევე ძალიან მნიშვნელოვანი არის კადრების დამატება. ერთ სოციალურ მუშაკს თვეში არ უნდა ჰქონდეს 50 საქმეზე მეტი. ასევე არის რაიონები, სადაც წლების განამვლობაში მუშაობს ერთადერთი სოციალური მუშაკი და ეს ადამიანები ფიზიკურად დაავადნენ, იმიტომ რომ წლებია ვერ სარგებლობენ კუთვნილი შვებულებით, მაგალითად ხობის წარმომადგენელი და ამ რაიონზე დღემდე არ არის გამოცხადებული ვაკანსია. ძალიან მნისვნელოვანია ის, რომ გაფიცვით ჩვენ მოვიპოვეთ 30-მდე მანქანა, თუმცა როდესაც არის გადაუდებელი შემთხვევა, იქ სოციალური მუშაკი რითი უნდა წავიდეს? უნდა წავიდეს მანქანით, შეუძლია მას მეტროს დაელოდოს, არ შეუძლია, გამოდის რომ ეს 30 მანქანა გადაუდებელ შემთხვევებსაც არ ეყოფა“, - აღნიშნა ქეთევან ხუციშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები

ევროპაში საბრძოლო ველზე სუპერტანკი წარადგინეს, რომელიც რობოტული კოშკურითა და დრონებითაა აღჭურვილი .

ვენსი შვეიცარიაში ირანთან მოლაპარაკებებისთვის ჩავიდა

მზია ამაღლობელი - ელენე ხოშტარიას მდგომარეობის დაიგნორება გაუჭირდებათ - მინდა მას ვუთხრა, რომ მარტო არ არის