საქართველოს თავდაცვის მინისტრი თინათინ ხიდაშელი ვაზიანში, IV მექანიზირებული ბრიგადის ბაზაზე არასამთავრობო ორგანიზაციების წარმომადგენლებს მასპინძლობს.

შეხვედრას საერთაშორისო, განათლების, ფსიქოლოგია-რეაბილიტაციისა და გამჭვირვალობა-კარგი მმართველობის მიმართულებით მომუშავე არასამთავრობო ორგანიზაციების წარმომადგენლები ესწრებიან. მინისტრთან ერთად სამოქალაქო სექტორის წარმომადგენლებს ხვდებიან გენერალური შტაბის უფროსი, გენერალ-მაიორი ვახტანგ კაპანაძე, თავდაცვის მინისტრის მოადგილეები - დავით ებრალიძე და ბესიკ ლოლაძე, ასევე სტრუქტურული ერთეულების ხელმძღვანელი პირები.

თავდაცვის მინისტრი და გენერალური შტაბის უფროსი არასამთავრობო ორგანიზაციების წარმომადგენლებს სტიქიის ზონაში სალიკვიდაციო სამუშაოებში შეიარაღებული ძალების ქვედანაყოფების ჩართულობის, განხორციელებული და მიმდინარე აქტივობების შესახებ ანგარიშს აბარებენ.

თინათინ ხიდაშელი სტუმრებს თავდაცვის უწყებაში დაგეგმილი რეფორმების შესახებ მიაწვდის ინფორმაციას. არასამთავრობო ორგანიზაციების წარმომადგენლები საერთაშორისო მისიებში ქართული კონტინგენტის მონაწილეობის შესახებ, თავდაცვის უწყების მიერ მისიებსა და საქართველოს ტერიტორიული მთლიანობისთვის ბრძოლებში დაღუპულ და დაჭრილ სამხედრო მოსამსახურეებზე, ასევე მათ ოჯახებზე ზრუნვის პროგრამების შესახებ მიიღებენ ინფორმაციას. შეხვედრაზე ყურადღება გამახვილდება საზოგადოებაში ჯარის პოპულარიზაციის მიზნით დაგეგმილ აქტივობებზე.

შეხვედრის დასრულების შემდეგ, თავდაცვის მინისტრი და გენერალური შტაბის უფროსი სამოქალაქო სექტორისა და მედიის წარმომადგენლებს „ჯარისკაცის ულუფაზე“ IV მექანიზირებული ბრიგადის სასადილოში უმასპინძლებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიკომ უკმაყოფილება გამოთქვა, რომ ლიეტუვა და ლატვია მის თვითმფრინავს 9 მაისს მოსკოვში არ გაუშვებენ

ზელენსკი: რუსეთის წინააღმდეგ სანქციების შერბილების გაგრძელება აძლიერებს რუსეთის ლიდერების ილუზიას, რომ შეუძლიათ ომის გაგრძელება

მილანში ულტრამემარჯვენეების წინააღმდეგ გამართული საპროტესტო აქციის დროს არეულობა დაიწყო - ვიდეო

პირადი ცხოვრების საიდუმლოს ხელყოფის და სქესობრივი კავშირის იძულების ფაქტებზე ერთი პირია დაკავებული