მიმდინარე წლის 22-26 ივნისს  საქართველოს საგარეო საქმეთა მინისტრი პირველი ოფიციალური ვიზიტით სამხრეთ ამერიკის სამ ქვეყანას ეწვევა: არგენტინის რესპუბლიკას, ურუგვაის აღმოსავლეთ რესპუბლიკასა და ჩილეს რესპუბლიკას. ამის შესახებ საქართველოს საგარეო საქმეთა სამინისტროში გამართულ ტრადიციულ ბრიფინგზე გახდა ცნობილი.
როგორც აღინიშნა, რეგიონალური ტურის ფარგლებში ყურადღება გამახვილდება ლათინური ამერიკის ქვეყნებთან საქართველოს ურთიერთობაზე.  
"ლათინური ამერიკა და კარიბის ზღვის აუზის რეგიონი საქართველოს საგარეო პოლიტიკის ერთერთ პრიორიტეტულ მიმართულებას წარმოადგენს. 
ჩვენი დიპლომატიური ძალისხმევა მიმართულია როგორც რეგიონში საქართველოს ცნობადობის ამაღლებისკენ, ისე პოლიტიკური სავაჭრო და ეკონომიკური კავშირების გაღრმავებისაკენ.  
ტურნეს ფარგლებში პირველი ვიზიტი შედგება არგენტინაში, კერძოდ ბუენოს-აირესში. მინისტრი შეხვედრებს გამართავს არგენტინის ვიცე-პრეზიდენტთან და სენატის თავმჯდომარესთან ამადო ბუდუსთან და საგარეო საქმეთა და კულტთა მინისტრთან ექტორ ტიმერთან",-განმარტეს საგარეო უწყებაში.
მათივე ინფორმაციით,  ვიზიტის ფარგლებში  ხელი მოეწერება შეთანხმებათა პაკეტს: „საქართველოს მთავრობასა და არგენტინის რესპუბლიკის მთავრობას შორის ორდინალური პასპორტების მფლობელთათვის უვიზო მიმოსვლის შესახებ“. 
ასევე არგენტინა და საქართველო ხელს მოაწერენ შეთანხმებას კულტურის სფეროში თანამშრომლობის შესახებ და ეკონომიკის საბაჟო და საგადასახადო სფეროებში თანამშრომლობის შესახებ.
24 ივნისს,  საქართველოს საგარეო საქმეთა მინისტრი ეწვევა ურუგვაის აღმოსავლეთ რესპუბლიკას. შეხვედრები გაიმართება  ურუგვაის ვიცე-პრეზიდენტთან და სენატის თავმჯდომარესთან, რაულ სენდიკთან. ასევე ურუგვაის საგარეო საქმეთა მინისტრთან ნინ ნოვოასთან.  ვიზიტის დროს ასევე გაფორმდება შეთანხმება ურუგვაისა და საქართველოს შორის ორდინალური პასპორტების მფლობელთათვის უვიზო მიმოსვლის შესახებ.
განხორციელდება საქართველოს საგარეოსაქმეთა მინისტრის ვიზიტი ჩილეს რესპუბლიკაში, სადაც გაიმართება შეხვედრები ჩილეს საგარეო საქმეთა მინისტრთან ერალდო მუნიოსთან და ჩილეს ეროვნულ კონგრესში. ასევე მოეწერება ხელი ქვეყნებს შორის უვიზო მიმოსვლის შესახებ შეთანხმებას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი

ესტონეთი ევროკავშირს „ქართული რეჟიმის“ წინააღმდეგ პერსონალური სანქციების დაწესებისკენ მოუწოდებს

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA

პირთა ჯგუფი ჯარში გაწვევის თავიდან ასარიდებლად, ყალბ ჯანმრთელობის ცნობებს ამზადებდა და 30 წვევამდელიდან ასი ათას ლარზე მეტი აიღო