2019-03-20 14:40:43, 1108 ნახვა

---

ზაზა გაბუნია - იმედია „არილის“ და „საუნჯის“ გამოცემისთვის სამინისტრო შეძლებს შესაბამისი გადაწყვეტილების მიღებას

 „იმედს გამოვთქვამ, რომ „არილის“ და „საუნჯის“ უწყვეტად და სრულფასოვნად გამოცემისთვის სამინისტრო შეძლებს შესაბამისი გადაწყვეტილების მიღებას“, - ამის შესახებ პარლამენტის რეგიონული პოლიტიკის და თვითმმართველობის კომიტეტის თავმჯდომარის ზაზა გაბუნიამ განაცხადა.

 მისი თქმით, ამ საკითხზე ექნება კომუნიკაცია განათლების მინისტრთან, მიხეილ ბატიაშვილთან და იმედს გამოთქვამს რომ სამინისტრო გამონახავს შესაძლებლობას ჟურნალების „არილის“ და „საუნჯის“ უწყვეტი გამოცემისთვის.

„ორივე ლიტერატურული ჟურნალი ასრულებს დიდ და მნიშვნელოვან როლს თანამედროვე ლიტერატურული პროცესების ასახვის და გამოხატვის საქმეში და მე დარწმუნებული ვარ, მინისტრი მიხეილ ბატიაშვილი ჩვეული გულისხმიერებით მოეკიდება ამ საკითხს და ამ მნიშვნელოვან ლიტერატურულ ჟურნალებს მომავალშიც ექნება სახელმწიფოს მხრიდან ურყევი და სათანადო მხარდაჭერა“, - აღნიშნა ზაზა გაბუნიამ.

 

 

(NS)

---

ავტორი: ელენე გვიმრაძე, ექსპრესნიუსის რეპორტიორი 2018 წლიდან

---

დღის თემა

მთავარი თემა

ინტერვიუ - ექსკლუზივი