2019-03-15 12:17:03, 4179 ნახვა

---

ახალ ზელანდიაში, მეჩეთებზე თავდამსხმელის იარაღზე დავით აღმაშენებლისა და დავით სოსლანის სახელები ქართულად წერია

ახალ ზელანდიაში მეჩეთზე თავდამსხმელის იარაღის ერთ-ერთ მჭიდზე დავით აღმაშენებლისა და დავით სოსლანის სახელები წერია.

ფოტოს daily mail-ი აქვეყნებს.

ქართული წარწერების გარდა, წარწერები სხვადასხვა ენაზე კიდევ რამდენიმე იარაღზეა განთავსებული.

ცნობისთვის, კრაისტეჩერში ორ მეჩეთზე შეიარაღებული თავდასხმა მოხდა, რასაც ბოლო მონაცემებით 40 ადამიანის სიცოცხლე ემსხვერპლა. ასევე დაჭრილია ათობით ადამიანი.

თავდაპირველად მამაკაცი, რომელიც საკუთარ თავს ბრენტონ ტარანტს უწოდებს, მასჯიდ ალ ნურის მეჩეთში მივიდა, სადაც 300-მდე ადამიანი იმყოფებოდა და ცეცხლი გახსნა. ამის შემდეგ კი, თავდასხმა კრაისტჩარჩში მდებარე კიდევ ერთ მეჩეთზე მოხდა.

პოლიციამ ტარანტის გარდა, კიდევ 3 თავდამსხმელი დააკავა. აღსანიშნავია, რომ ბრენტონ ტარტმა სოციალურ ქსელებში პირდაპირი ეთერი ჩართო თავდასხმა გადაიღო. მისი ვიდეოები ამ დროისთვის წაშლილია.

 

---

ავტორი: ,

---

დღის თემა

მთავარი თემა

ინტერვიუ - ექსკლუზივი