„არ წარმომიდგენია ჩვენი გუნდი წულუკიანის გარეშე“ - პრემიერი არ აკონკრეტებს რა საკითხზე იყო აზრთა სხვადასხვაობა

2019-03-12 14:37:56, 1232 ნახვა

პოლიტიკა

საქართველოს პრემიერ-მინიტრის მამუკა ბახტაძის განცხადებით, საკითხი, რომელზეც იუსტიციის მინისტრ თეა წულუკიანთან დისკუსია მიმდინარეობდა ამოწურულია.

ამასთან, პრემიერმა არ დააკონკრეტა თუ რა საკითხთან დაკავშირებით არსებობდა აზრთა სხვადასხვაობა.

„მე არ წარმომიდგენია ჩვენი გუნდი თეა წულუკიანის გარეშე. მინდა განვაცხადო,რომ თეა არის ჩვენი გუნდის წევრი პირველი დღეებიდან, მას აქვს დიდი წვლილი შეტანილი იმ წარმატებაში, რომელიც გვაქვს. დიახ, არსებობდა ერთ-ერთი ინიციატივა, საკითხი და ჩემი, როგორც მთავრობის მეთაურის ვალდებულებაც არის, რომ მოვახდინო საკითხის შეჯერებაც და გადაწყვეტილების მიღებაც. საკითხი არის შეჯერებული და ეს საკითხი აღარ დგას დღის წესრიგში,“ - განაცხადა მამუკა ბახტაძემ.

კითხვაზე - შესრულებულია თუ არა წულუკიანის ულტიმატუმი და ეხებოდა თუ არა საკითხი ციხეების მართვას, პრემიერმა ასე უპასუხა: "ულტიმატუმს აქ არავინ არ აყენებს".

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები