ჯაფარიძე: დასამალი არ გვაქვს - ამიტომაც მივედით კომიტეტში და კიდევ მივალთ

2019-02-28 18:54:26, 1649 ნახვა

პოლიტიკა

TBC ბანკის ერთ-ერთი თანადამფუძნებელის ბადრი ჯაფარიძის განცხადებით, ბანკის საქმიანობა არის გამჭირვალე და სწორედ ამ მიზნით მივიდნენ ის და მამუკა ხაზარაძე პარლამენტში, რომ დეპუტატებისთვის სრული ინფორმაცია მიეწოდებინათ.

რაც შეეხება, ფულის გათეთრების საქმეს, რომელსაც პროკურატურა იძიებს, ჯაფარიძის განმარტებით, სესხი რომელიც ბანკმა აიღო წარმართული იქნა მსოფლიო ბანკის ჯგუფში შემავალ ინსტიტუტის ანგარიშზე.

„პირად ანგარიშებზე როდესაც სესხულობ კომპანიას ის ფული უნდა ჩაგერიცხოს პირად ანგარიშზე. საუბარი არის სად წავიდა მერე ეს ფული. სწორედ ამიტომ გვინდოდა კომიტეტზე მოგვეხსენებინა პარლამენტარებისთვის რომ არანაირი კითხვის ნიშანი არ დარჩეს. საბედნიეროდ ყველაფერი გამჭირვალე გვაქვს. არაფერი დასამალი არ გვაქვს. ეს სესხი რომელიც ავიღეთ იქნა წარმართული მსოფლიო ბანკის ჯგუფში შემავალი ინსტიტუტის ანგარიშზე და „თიბისი ბანკის“ კაპიტალში“, - განაცხადა ბადრი ჯაფარიძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები