„დადგა დრო თვითონ შევქმნა პოლიტიკური ორგანიზაცია“ - ჭიჭინაძე ბესელიას ფრაქციაში არ შევა

2019-02-27 15:31:07, 1249 ნახვა

პოლიტიკა

დეპუტატი დავით ჭიჭინაძე ეკა ბესელიას ფრაქციაში არ შევა, - ამის შესახებ დეპუტატმა ჟურნალისტებს თავად განუცხადა.

ჭიჭინაძის თქმით, ის არავის ფრაქციაში ყოფნას არ აპირებს, რადგან არ უნდა, რომ ტექნიკური მხარდამჭერი იყოს.

ამასთან, ჭიჭინაძე ცალკე პოლიტიკური ორგანიზაციის შექმნას აპირებს.

„მე ალბათ დაველოდები გარიცხულ დეპუტატებს და იმათთან უფრო კომფორტული იქნება ფრაქციის შექმნა ვიდრე გამოსულებთან. მე დღეს არავის ფრაქციაში არ ვაპირებ ყოფნას, გამოვდივარ „პატრიოტთა ალიანსიდან“. ფრაქცია არის პოლიტიკური ორგანიზაცია. მე უნდა ვიცოდე პოლიტიკური შეხედულებები, ვინ იქნებიან ამ პოლიტიკურ გაერთიანებაში. მე საერთოდ ვთვლი, რომ დრო დადგა მე თვითონ შევქმნა პოლიტიკური ორგანიზაცია. მე ვაწარმოებ მოლაპარაკებას . ძირითადი დასაყრდენი ბაზა არის ის ვინც ჩემსავით იმედგაცრუებულები არიან. 2012 წელს მოსულები. ისინი არიან დასაყრდენები“, -განაცხადა დავით ჭიჭინაძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები