ეკა ბესელიამ „ქართული ოცნება“ დატოვა.

ამის შესახებ მან რამდენიმე წუთის წინ, ჟურნალისტებს განუცხადა.

როგორც ბესელიამ აღნიშნა, გადაწყვეტილება მას შემდეგ მიიღო, რაც გუშინ, მოსამართლეების უვადოდ დანიშვნის დროებით შეჩერების თაობაზე  უმრავლესობის 9 დეპუტატის, მათ შორის მის მიერ მომზადებულ კანონპროექტს მმართველმა გუნდმა მხარი არ დაუჭირა.

„მივდივარ იმ გუნდიდან, რომელიც ბიძინა ივანიშვილთან ერთად დავაფუძნე. მივდივარ იქ, სადაც არის საქართველოს მოსახლეობის აბსოლუტური უმრავლესობა“, - აღნიშნა ეკა ბესელიამ.

დეპუტატმა გუნდიდან წავლის მიზეზებზეც ისაუბრა და აღნიშნა, რომ ერთ-ერთი მთავარი მიზეზი მოსამართლეების დანიშვნის შესახებ კანონპროექტის ჩაგდება გახდა. 

„რამდენიმე მიზეზი, რამაც განაპირობა ჩემი ეს გადაწყვეტილება - სააკაშვილის და ადეიშვილის მიერ შექმნილი ძალადობრივი რეჟიმის შემოქმედნი მოსამართლეები, მათი უვადოდ დანიშვნის შეჩერებაზე უარის თქმა, იმ ძალადობრივი მმართველობისთვის სახელის დარქმევა და კიდევ ერთხელ, იმ სისასტიკის რეჟიმად გამოცხადების რეზოლუციის ჩაგდება. რა თქმა უნდა, პოლიტიკური უმწიფრობით არის გამოწვეული პარლამენტის იმ წევრთა გადაწყვეტილება ეს თემა, რაც გუშინ იყო კენჭისყრაზე ჩააგდეს და ასევე ამ შეფასებაზე საკუთარი პოზიციის გამოხატვა ვერ გაბედეს", - აღნიშნა ბესელიამ.  

ავტორი: ,

სოციალური ქსელები

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა