„ინტერნეტ მედია ჯგუფში“ შემავალ საზოგადოებრივ-პოლიტიკური პორტალის, პრესა.ჯის თანამშრომლებს, „შარლი ებდოს“ მოწყობით ემუქრებიან.

Presa.ge-ს ოფიციალურ გვერდზე გამოგზავნილ შეტყობინებას „ინტერნეტ მედია ჯგუფის“ დამფუძნებელი, გიორგი კაპანაძე სოციალური ქსელში წერილით პასუხობს და შინაგან საქმეთა სამინისტროს რეაგირებისკენ მოუწოდებს:
„შინაგან საქმეთა სამინისტრო / Ministry of Inteal Affairs of Georgia სასწრაფოდ იპოვეთ და მიწიდან ამოიღეთ ეს არსება, რომელიც "შარლი ებდოს" მოწყობით გვემუქრება.

მივმართავ ხელისუფლების პირველ პირებს, მის არაფორმალურ მმართველს: თმის ერთი ღერიც რომ ჩამოუვარდეს ჩვენი მედია კომპანიის რომელიმე თანამშრომელს, პასუხს აგებთ პირადად და პერსონალურად. 

"შარლი ებდოთი" კი არა, სულ რომ "ჯამალ ჰაშოღით" დაგვემუქროთ, მაინც წამოვწევთ თქვენს კორუფციულ თემებსა და ქონების მიტაცების ფაქტებს...
US Embassy Tbilisi, Georgia ვთხოვ ამერიკის საელჩოს, დიპლომატიურ კორპუსს, არასამთავრობოებს, დაინტერესდნენ ამ სახიფათო, სერიული მკვლელობის მუქარის ფაქტით.
 ვინც არ იცის, მათთვის: 2015 წლის 7 იანვარს, ფრანგულ ყოველკვირეულ სატირულ ჟურნალს, "შარლი ებდოს“, შეიარაღებული ტერორისტები დაესხნენ თავს და 12 ადამიანი მოკლეს" - წერს გიორგი კაპანაძე ფეისბუქ გვერდზე.

ავტორი: ,

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს