ბიზნესომბუდსმენი - მზად ვარ შევხვდე TBC-ს დამფუძნებლებს, თუ აქვთ ინფორმაცია, რომელიმე უწყებიდან ზეწოლის შესახებ

2019-02-20 17:02:23, 1142 ნახვა

კომენტარი

საქართველოს ბიზნესომბუდსმენი ირაკლი ლექვინაძე მზად არის "თიბისი ბანკის" ერთ-ერთ დამფუძნებელს მამუკა ხაზარაძეს ბანკის გარშემო განვითარებულ მოვლენებთან დაკავშირებით შეხვდეს.

ლექვინაძის განმარტებით, მას სურს ბანკის დამფუძნებლებისგან მოისმინოს შექმნილი ვითარების შესახებ დეტალური ინფორმაცია.

„მე, პირველ რიგში, ვეყრდნობი იმ პრესკონფერენციაზე გაკეთებულ განცხადებებს, რომელიც ოფიციალურად გაკეთდა. კიდევ ერთხელ გამოვთქვამ მზაობას, პირადად შევხვდე ბანკის დამფუძნებლებს, თუ მათ აქვთ დეტალური ინფორმაცია იმასთან დაკავშირებით, თუ რომელი უწყებიდან ხდება გარკვეული ზეწოლა კონკრეტულ საქმესთან დაკავშირებით. ამ ფონმა მნიშვნელოვნად არ უნდა დააზარალოს ის საინვესტიციო ფონი, რომელიც არსებობს ანაკლიის პროექტთან დაკავშირებით, რადგანაც ნებისმიერმა არასწორად ინტერპრეტირებულმა ინფორმაციამ, შეიძლება არასწორი განცდები გამოიწვიოს ინვესტორებში“, - განაცხადა ირაკლი ლექვინაძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები