2019-02-20 16:50:14, 1100 ნახვა

---

ფოფხაძე - გუნდში არც მდგმურები ვართ და არც ვიღაცის კაცის კაცები, ეს ადგილი ვინმეს წყალობით არ მიგვიღია

საპარლამენტო უმრავლესობის წევრი გედევან ფოფხაძე "ქართული ოცნების" პოლიტსაბჭოს განცხადებას ნეგატიურად აფასებს. 

ფოფხაძემ აღნიშნა რომ, მას და მის თანამოაზრეებს ადგილები პარტიაში პროტექციით არ მიუღიათ და გადაწყვეტილებასაც საკუთარი სურვილით მიიღებენ და არა ვინმეს მითითებით.  

„შეეშალა პოლიტსაბჭოს, არასწორ ნაბიჯს დგამენ და არასწორ განცხადებებს აკეთებენ. პოლიტსაბჭოს  გადაწყვეტილება ჩემთვის არ არის უმაღლესი ინსტანცია მორალური თვალსაზრისით. ის ადამიანები, რომლებიც ამ ინიციატივით გამოვდივართ, ამ გუნდში არც მდგმურები ვართ და არც შემთხვევით მოვხვდით და ვიღაცის კაცის კაცები არ ვართ. ჩვენ ეს ადგილი ვინმეს წყალობით არ მიგვიღია ასე, რომ რა გადაწყვეტილებებიც არ უნდა მივიღოთ, დარჩენის ან წასვლის თაობაზე, ყველა ეს გადაწყვეტილება იქნება ნაკარნახები იმ მორალური ღირებულებებით, რომლითაც ჩვენ ვართ პოლიტიკაში“, - განაცხადა გედევან ფოფხაძემ. 

---

ავტორი: ,

---

დღის თემა

მთავარი თემა

ინტერვიუ - ექსკლუზივი