ფინანსთა მინისტრი ივანე მაჭავარიანი გამორიცხავს, რომ "თიბისი ბანკის" ირგვლივ დაწყებული გამოძიება რაიმე კავშირში იყოს ანაკლიის პორტის პროექტის შეფერხების მცდელობასთან.

როგორც მინისტრმა აღნიშნა, ხელისუფლება პორტის პროექტის განვითარებას ცდილობს.

„მე გამოვრიცხავდი, რომ ანაკლიას უკავშირდებოდეს, პირიქით, ანაკლიის პროექტთან დაკავშირებით ხელისუფლება მაქსიმალურად მხარს უჭერს პროექტის განვითარებას და დარწმუნებული ვარ, არანაირი კავშირი არ აქვს. არც ანაკლიას და არც TBC ბანკს, საფინანსო სისტემას საქართველოში არ ემუქრება არანაირი საფრთხე. იყო კონკრეტულ ტრანზაქციაზე კონკრეტული შეკითხვა და მჯერა, რომ ზუსტად ამ ტრანზაქციაზე იქნება პასუხი გასაცემი და მეტი არაფერი“, - განაცხადა ივანე მაჭავარიანმა. 

შეგახსენებთ, 14 თებერვალს, საქართველოს ეროვნულმა ბანკმა მამუკა ხაზარაძესა და ბადრი ჯაფარიძეს „თიბისი ბანკის“ დოკუმენტაციაზე ხელმოწერის უფლება შეუჩერა. გარდა ამისა, „თიბისი ბანკის“ აქციონერთა კრებას მათი სამეთვალყურეო საბჭოდან გაწვევისათვის 2-თვიანი ვადა მიეცა.  

„თიბისი ბანკში“ განაცხადეს, რომ ბანკისა და აქციონერების ინტერესების დასაცავად მათ ხელთ არსებულ ყველა სამართლებრივ საშუალებას გამოიყენებენ და სასამართლო დავას გააგრძელებენ.

ავტორი: ,

სოციალური ქსელები

ოდესაში, რუსული სამხედრო თავდასხმის შედეგად 16 ადამიანი დაშავდა

აშშ-ს სურს ჰორმუზის სრუტისთვის ახალი კოალიციის შექმნა - The Wall Street Journal

შსს-ს გენერალური ინსპექციის უფროსმა, დავით არჩვაძემ თანამდებობა დატოვა

ბოჭორიშვილი: მოსკოვის მექანიზმი პოლიტიკური მიზნებისთვის ამოქმედებული ინსტრუმენტია