შინაგან საქმეთა სამინისტროს ადამიანის უფლებათა დაცვის დეპარტამენტის მანდატი გაფართოვდა, - ამის შესახებ დეპარტამენტის ხელმძღვანელმა ლონდა თოლორაიამ განაცხადა. 

თოლორაიას თქმით, მისი დეპარტამენტი მრავი მიმართულებით იმუშავებს. 

"ეს დეპარტამენტი იმუშავებს არამხოლოდ ქალთა მიმართ ძალადობის, ოჯახში ძალადობის, არასრულწლოვანთა მიერ და მიმართ ჩადენილი დანაშაულებისა და ტრეფიკინგის კუთხით, არამედ სხვა მიმართულებებითაც, კერძოდ - სიცოცხლისა და ჯანმრთელობის წინააღმდეგ დანაშაულებზეც განახორციელებს მონიტორინგს.  დეპარტამენტი ასევე განახორციელებს მონიტორგინს სხვა სისხლის სამართლის საქმეებზე, რომლებიც საჭიროდ ჩაითვლება არსებული კრიმინოგენული ვითარებიდან, არსებული სისხლის სამართლის პოლიტიკიდან, საჯარო ინტერესებიდან და მოქალაქეთა ინტერესიდან გამომდინარე", - განაცხადა თოლორაიმ. 

თოლორაიამ ხაზი გაუსვა, რომ დეპარტამენტის გაფართოება და სისტემის შიდა მონიტორინგის  მექანიზმად ჩამოყალიბება დეპარტამენტის მიერ 1 წლის განმავლობაში გაწეული საქმიანობის ეფექტურობამ და გამოძიების ხარისხის ზრდის მხრივ მიღწეულმა შედეგებმა განაპირობა. 

"ვფიქრობთ, რომ  სისტემის შიგნით მონიტორინგი შინაგან საქმეთა სამინისტროში, რომელიც, პრინციპში, პირველი პრეცედენტია -  ძალიან მნიშვნელოვანია რომ უფრო მაღალი ხარისხის გამოძიება შევთავაზოთ მოქალაქეებს, რომლებიც ჩვენთან მოვლენ“, - განაცხადა თოლორაიამ.

ადამიანის უფლებათა დაცვისა და გამოძიების ხარისხის მონიტორინგის დეპარტამენტის პრეზენტაცია დღეს გაიმართა.

(NS)

ავტორი: ,

სოციალური ქსელები

ნინო ლომჯარია TV იმედს სასამართლოში უჩივის

ზურაბიშვილი: ელენე ხოშტარიას, სასწრაფო სასიცოცხლოდ მნიშვნელოვანი სამედიცინო დახმარება სჭირდება

ბოკუჩავა: რა თქმა უნდა, ვრჩები ნაციონალურ მოძრაობაში, ვიბრძოლებ ბოლომდე!

გვარამიას თქმით, მოსამართლემ არ დააკმაყოფილა ხოშტარიას მდგომარეობის შესწავლის შუამდგომლობა