18-19 ივნისს, ბათუმში, სასტუმრო „რედისონში“ იუსტიციის უმაღლესი სკოლისა და აშშ-ის სავაჭრო დეპარტამენტის, სავაჭრო სამართლის განვითარების პროგრამის  (CLDP) მხარდაჭერით მოსამართლეთათვის იმართება სემინარი თემაზე: „გადაწყვეტილებები ინტელექტუალური საკუთრების დარღვევასთან დაკავშირებულ სამოქალაქო საქმეებზე“.

ღონისძიების პარტნიორ ორგანიზაციებს წარმოადგენენ: საქართველოს ინტელექტუალური საკუთრების ეროვნული ცენტრი  „საქპატენტი“ და საქართველოს საავტორო უფლებათა ასოციაცია.

ტრენინგის უცხოელი ექსპერტები არიან მოსამართლეები: ედუარდ მ. ჩენი და რიჩარდ გ. სიბორგი - ამერიკის შეერთებული შტატების კალიფორნიის შტატის ჩრდილოეთ ოლქის საოლქო სასამართლოდან.
ღონისძიების გახსნაზე მონაწილეებს მიესალმებიან: იუსტიციის უმაღლესი სკოლის დირექტორი - ლაშა მაღრაძე; აშშ-ის სავაჭრო დეპარტამენტის, სავაჭრო სამართლის განვითარების პროგრამის  (CLDP) წარმომადგენელი - ანუშ ავეტისიანი; საქართველოს ინტელექტუალური საკუთრების ეროვნული ცენტრის - „საქპატენტი“-ს თავმჯდომარე - ნიკოლოზ გოგილიძე და საქართველოს საავტორო უფლებათა ასოციაციის თავმჯდომარე - გიგა კობალაძე.

ღონისძიების ფარგლებში მონაწილეები განიხილავენ შემდეგ საკითხებს: საავტორო უფლებებისა და სასაქონლო ნიშნების საქმეებზე აშშ-ის გამოცდილება; სასაქონლო ნიშნების მსგავსების დადგენის კრიტერიუმები, ინტელექტუალური საკუთრების სარჩელის აღიარება. სემინარის უმეტესი ნაწილი დაეთმობა პრაქტიკული მაგალითების განხილვას და ინტერაქტიულ მსჯელობას. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის სინდრომის ბავშვების მშობლებზე ამბობს, რომ მათი ოჯახის წევრების ემოციებით პოლიტიკური დივიდენდების მოპოვებას ცდილობენ

დიუშენის კუნთოვანი დისტროფიის მქონე ბავშვების მშობლები მთავრობის ადმინისტრაციასთან უწყვეტ პროტესტს იწყებენ

კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.

მეუღლის არასრულწლოვანი შვილების გაუპატიურებაში ბრალდებული სტუ-ს თანამშრომელი იყო