2019-01-05 18:27:54, 1383 ნახვა

---

ანტივირუსულ მედიკამენტს ბავშვები, პენსიონერები და ონკოლოგიური დაავადებების მქონე მოქალაქეები უფასოდ მიიღებენ

 „სოციალურად დაუცველი მოქალაქეებისა და ორსულების გარდა ანტივირუსულ მედიკამენტ  „ტამიფლუს“ უფასოდ ბავშვები, ასაკით პენსიონერები, გულსისხლძარღვთა, დიაბეტით, ონკოლოგიური და სასუნთქი სისტემის დაავადებების მქონე მოქალაქეებიც მიიღებენ“, - ამის შესახებ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა, დავით სერგეენკომ დღეს გამართულ ბრიფინგზე განაცხადა.

ჯანდაცვის მინისტრის თქმით, პრეპარატის უფასოდ მისაღებად საჭიროა, ბენეფიციარებმა მიაკითხონ მუნიციპალურ საზოგადოებრივი ჯანდაცვის ცენტრებს და წარმოადგინონ ექიმის დანიშნულება (ფორმა N100).

ამასთან, როგორც მინისტრმა აღნიშნა, ქვეყანაში „ტამიფლუს“ ანტივირუსული მედიკამენტების მარაგი საკმარისია.

დავით სერგეენკოს განმარტებით, აღნიშნული მედიკამენტის დეფიციტი ბოლო ორი დღის განმავლობაში მხოლოდ სააფთიაქო ქსელებში შეიქმნა, ჯანდაცვის სამინისტროსა და სტაციონარებში კი წამლის საკმარისი მარაგია. დეფიციტის თავიდან ასაცილებლად ჯანდაცვის სამინისტრო სააფთიაქო ქსელებს მედიკამენტ „ტამიფლუს“ საკმარის რაოდენობას გადასცემს. ბენეფიციარებს ინფორმაციის მიღება თუ რომელ აფთიაქში იქნება მედიკამენტი ხელმისაწვდომი ჯანდაცვის სამინისტროს ცხელი ხაზის (15 05) მეშვეობით  შეუძლიათ.

---

ავტორი: ,

---

დღის თემა

მთავარი თემა

ინტერვიუ - ექსკლუზივი