ხორავას ქუჩაზე მოზარდების მკვლელობის საქმესთან დაკავშირებით, შსს-ში დღეს 10-მდე არასრულწლოვანი გამოიკითხა,  რომლებიც ხორავას ქუჩაზე მომხდარი მკვლელობის უშუალო თვითმხილველები არიან.

მათ შორის არ ყოფილა საქმის ერთ-ერთი მთავარი ფიგურანტი მ.კ. რომლის დაკავებას მოკლული მოზარდის დათო სარალიძის მამა, ზაზა სარალიძე უკვე ერთი წელია მოითხოვს.

გამოკითხვის შემდეგ მედიასთან კომენტარი მხოლოდ ერთ-ერთი არასრულწლოვნის ადვოკატმა, თამარ აბესაძემ გააკეთა.

ადვოკატს სხვების მსგავსად, გაუთქმელობაზე აქვს ხელი მოწერილი, თუმცა, აღნიშნავს, რომ სამინისტრო მნიშვნელოვან თემაზე მუშაობს.

ძალიან მნიშვნელოვან საკითხზე მუშაობენ, მე როგორც ადვოკატი და იურისტი მივესალმები, უმნიშვნელოვანეს საკითხზე მუშაობენ, დანარჩენი გაუთქმელობაზე მაქვს ხელი მოწერილი... არ შემიძლია ვისაუბრო რაიმეზე, მაგრამ იქნებ დაადგეს საშველი ამ ყველაფერს. განაჩენით, რაც არ დადგინდა, შეიძლება დადგინდეს, შეიძლება არ დადგინდეს, მაგრამ ყოველი შემთხვევისთვის, მაინც მნიშვნელოვან თემებზე მუშაობენ და მე ძალიან მომეწონა, რაც მოიფიქრა სამინისტრომ და რაზეც მუშაობენ“, - განაცხადა ადვოკატმა.

შეგახსენებთ, რომ ხორავას ქუჩაზე ტრაგედია 2017 წლის 1 დეკემბერს მოხდა, რა დროსაც ორი მოზარდი დაჭრეს. ერთ-ერთი არასრულწლოვანი ლევან დადუნაშვილი საავადმყოფოში მიყვანამდე გარდაიცვალა, ხოლო დავით სარალიძე 2 დეკემბერს კლინიკაში. 

ავტორი: ,

სოციალური ქსელები

დღეიდან, უცხოელებს გიდებად, კურიერებად და ტაქსის მძღოლებად მუშაობა სრულიად ეკრძალებათ

დღეიდან საგზაო-სატრანსპორტო წესების დარღვევისთვის ჯარიმები იზრდება

გდდ-ის ყოფილი ხელმძღვანელი, რომან ქარცივაძე სუს-ის სპეციალური ოპერაციების დეპარტამენტის ხელმძღვანელად დაინიშნა

მიხეილ სააკაშვილი: პატრიარქის „არჩევნის“ სცენარი ლუბიანკაზე დიდი ხნის წინ დაიწერა.