„საქართველოს აეროპორტების გაერთიანების“ თანამშრომლები სისხლის უანგარო დონორთა აქციაში ერთვებიან

2018-12-19 11:30:40, 1027 ნახვა

საზოგადოება

"გაიღე სისხლი და გადაარჩინე სიცოცხლე"- ეკონომიკისა და მდგრადი განვითარების სამინისტროს "საქართველოს აეროპორტების გაერთიანების“ თანამშრომლები ლეიკემიით დაავადებული ბავშვების გადასარჩენად სისხლის უანგარო დონორთა აქციაში ჩაერთვნენ.

სისხლის უანგარო დონაციის მიზანი მ. იაშვილის სახელობის ბავშვთა ცენტრალური საავადმყოფოს ლეიკემიით დაავადებული ბავშვებისთვის სისხლის სარეზერვო მარაგის და მისი კომპონენტების რეგულარული შევსებაა.

მ. იაშვილის სახელობის ცენრალური საავადმყოფო ერთადერთია საქართველოში სადაც ლეიკემიითა და სხვა მძიმე პათოლოგიით დაავადებულ 0 დან 8 წლამდე ბავშვებს მკურნალობენ. მათ ყოველდღიურად ესაჭიროებათ ახალი სისხლისაგან დამზადებული კომპონენტები დღეში 15-20 ერთეულის ოდენობით. ხშირად იქმნება დეფიციტი და პაციენტის მშობლებს და მათ ახლობლებს სტრესულ მდგომარეობაში უწევთ დონორთა მოძიება.

(NS)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები