IBSU-ს პირველკურსელების მიღებაზე შეზღუდვა მოეხსნა

2018-12-08 16:34:30, 1695 ნახვა

საზოგადოება

შავი ზღვის საერთაშორისო უნივერსიტეტს პირველკურსელების მიღებასთან დაკავშირებული შეზღუდვა მოეხსნა.

შესაბამისი გადაწყვეტილება უმაღლესი საგანმანათლებლო დაწესებულებების ავტორიზაციის საბჭომ ცოტა ხნის წინ მიიღო.

უნივერსიტეტის რექტორის ილიას ჩილოღლუს განცხადებით, საბჭომ მათი მოთხოვნები სრულად დააკმაყოფილა და უნივერსიტეტისთვის მინიჭებული 6-წლიანი ავტორიზაცია ძალაში დატოვა.

შეგახსენებთ, რომ ავტორიზაციის საბჭომ 20 აგვისტოს შავი ზღვის საერთაშორისო უნივერსიტეტს ახალი სტუდენტების მიღება 1 წლით შეუზღუდა. რის მიზეზადაც სახელმწიფოს მიმართ უნივერსიტეტის დავალიანება დაასახელა. 26 აგვისტოს IBSU-მ სახელმწიფოს მიმართ არსებული დავალიანება, 735 ათას ლარი გადაიხადა. 15 ოქტომბერს კი განათლების ხარიხის განვითარების ეროვნულ ცენტრთან არსებულმა სააპელაციო საბჭომ, IBSU საკითხი ავტორიზაციის საბჭოს განსახილველად ხელახლა დაუბრუნა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები