საქართველოს თავდაცვის მინისტრმა 2018 წლის რეფორმების შემაჯამებელ გამოსვალზე საერთაშორისო სწავლებებში შეიარაღებული ძალების ჩართულობის მნიშვნელობაზე და სიახლეებზე ისაუბრა.

 ლევან იზორიას თქმით, მრავალეროვნული სწავლება „Agile Spirit 2019”-ში ამფიბიური და კიბერ ელემენტების ჩართულობა იგეგმება.

„წელს ჩვენ გვაქვს უპრეცედენტოდ პოზიტიური დინამიკა ყველაზე მაშტაბური საერთაშორისო სწავლებების მიმართულებით, როგორიც არის “Noble Partner” და “Agile Spirit”. “Noble Partner”-ზე მინდა გითხრათ, რომ წელს 12 ქვეყანა მონაწილეობდა, ანუ სწავლებას დაემატა 6 ახალი ქვეყანა. სამხედრო მოსამსახურეების რაოდენობა 3000 აჭარბებდა, რაც არის ძალიან სასიხარულო ფაქტი.

რაც შეეხება “Agile Spirit”-ს, ის დასავლეთ საქართველოში წელს პირველად ჩატარდა. შეიძლება ითქვას ეს არის ყველაზე ამბიციური სწავლებების ერთგვარი წინა რეპეტიცია. „Agile Spirit” მომავალ წელს საქართველოში უკვე ამფიბიური და კიბერ ელემენტების ჩართულობით ჩატარდება. ეს საქართველოში პირველად ხდება და გვინდა, რომ დაახლოებით 28 ქვეყანამ მიიღოს მონაწილეობა, ასე რომ ეს დინამიკა გრძელდება. ხოლო ნატო-საქართველოს ერთობლივ სწავლებაზე, ჩვენ ნატო-საქართველოს კომისიის ფარგლებში ბევრი ქვეყნისგან უკვე მივიღეთ თანხმობა“, - განაცხადა თავდაცვის მინისტრმა ლევან იზორიამ.

(NS)

ავტორი: ,

სოციალური ქსელები

დიდი შვიდეულის ლიდერები შეთანხმდნენ, რომ ნავთობისა და გაზის საშუალებით რუსეთზე ზეწოლას გააძლიერებენ

ტრამპმა ირანთან შეთანხმების გამო რუსული ნავთობის წინააღმდეგ სანქციების აღდგენის შესახებ განაცხადა

თიბისი კაპიტალმა მაკროეკონომიკური განახლება გამოაქვეყნა

Marneuli News: დაცვის თანამშრომელი, რომელიც 11 აპრილს სამსახურებრივი უფლებამოსილების შესრულებისას სცემეს, გარდაიცვალა