არასრულწლოვან აქტივისტს სასამართლომ 500 ლარიანი ჯარიმა შეუფარდა

2018-12-01 17:03:24, 2257 ნახვა

სამართალი

თბილისის საქალაქო სასამართლომ არასრულწლოვან აქტივისტ შაკო კუჭაშვილს" ნაციონალური მოძრაობის" ოფისის წინ, ვაშაძის პლაკატებზე წარწერა KGB მიხატვის საქმეზე 500 ლარიანი ჯარიმა შეუფარდა.
მოსამართლე ივანე ღლონტის გადაწყვეტილებით, კუჭაშვილის, დედას როგორც არასრულწლოვანის მეურვეს 200 ლარიანი ჯარიმა დააკისრა.

შაკო კუჭაშვილის სასამართლო პროცესი დღეს თბილისის საქალაქო სასამართლოში გაიმართა.
"სასამართლომ დამნაშავედ მცნო და შესაბამისი სანქციაც დამიწესა. არვიცი რა ვთქვა, მეგონა გაფრთხილებას მომცემდნენ, მაგრამ სამწუხაროდ შევცდი. მოკლედ, კანონმა უკეთ იცის. " განაცხადა შაკო კუჭაშვილმა.

შეგახსენებთ, წინასაარჩევნოდ აქტივისტთა ჯგუფმა გლდანში "ნაციონალური მოძრაობის" ოფისის წინ, ვაშაძის პლაკატებზე წარწერა KGB გააკეთა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები