შსს-მ აბაშაში საკრებულოს წევრის მიერ ხმის მიცემის ფარულობის შესაძლო დარღვევაზე გამოძიება დაიწყო

2018-11-28 16:21:42, 1328 ნახვა

სამართალი

შინაგან საქმეთა სამინისტრომ აბაშის საარჩევნო ოლქში, მე-10 უბანზე ხმის მიცემის კაბინაში მომხდარ ინციდენტზე გამოძიება დაიწყო.

როგორც უწყებაში აცხადებენ, გამოძიება სსკ-ის 164-ე მუხლით მიმდინარეობს (ხმის მიცემის ფარულობის დარღვევა, ხმების არასწორად დათვლა ან არჩევნების შედეგების არასწორად შეჯამება).

„მედია საშუალებებით გავრცელებული ინფორმაციის საფუძველზე, აბაშის საარჩევნო ოლქში, მე-10 უბანზე ქართული ოცნებიდან საკრებულოს წევრის მიერ ხმის მიცემის ფარულობის შესაძლო დარღვევის ფაქტზე შინაგან საქმეთა სამინისტროში დაიწყო გამოძიება საქართველოს სისხლის სამართლის კოდექსის 164-ე მუხლით. ამ ეტაპზე მიმდინარეობს შესაბამისი საგამოძიებო მოქმედებები“, - აცხადებენ შსს-ში.

ცნობისთვის, "ერთიანი ნაციონალური მოძრაობის" ერთ-ერთმა ლიდერმა ნიკა მელიამ ვიდეო გაავრცელა, სადაც ჩანს, რომ აბაშაში საკრებულოს მაჟორიტარი დეპუტატი "ქართული ოცნებიდან" ლეონტი ნადარეიშვილი ერთ-ერთ ამომრჩეველს ხმის მისაცემ კაბინაში შეჰყვა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები