საქართველო-ევროკავშირის თანამშრომლობის სფეროში ახალი და გამონაკლისის სახით  შექმნილი ფორმატი დამატებით სტიმულს მისცემს ურთიერთობებს და წარმოაჩენს საქართველოს, როგორც ევროპასთან ინტეგრაციის თვალსაჩინო და წარმატებულ მაგალითს მთელს სამეზობლოში, - ამის შესახებ საქართველოს პრემიერ-მინისტრ მამუკა ბახტაძისა და ევროკომისიის პრეზიდენტ ჟან-კლოდ იუნკერის შეხვედრაზე აღინიშნა. 

ყურადღება გამახვილდა იმ ახალ ინიციატივებსა და პროექტებზე, რომელთა განხორციელება კონკრეტულ სარგებელს მოუტანს საქართველოს და სხვადასხვა დარგში მას ევროკავშირთან კიდევ უფრო მეტად დააახლოებს. 

მხარეებმა აღნიშნეს, რომ ახალი ფორმატი მნიშვნელოვან წვლილს შეიტანს ევროკავშირთან თანამშრომლობის ინტენსიფიკაციის პროცესში, რაც სექტორული  ინტეგრაციის შესაძლებლობების იდენტიფიკაციას გულისხმობს. 

პრეზიდენტ იუნკერის შეფასებით, ახალი ფორმატის ამოქმედებით საქართველო-ევროკავშირის პარტნიორობის კიდევ ერთი განსაკუთრებული ეტაპი იწყება. 

საქართველოს პრემიერ-მინისტრმა და ევროკომისიის პრეზიდენტმა ასევე ისაუბრეს ევროკავშირში ინტეგრაციის საგზაო რუკის შესახებ, რომელიც ევროკავშირში ინტეგრაციის შემდგომი ეტაპისთვის ჩვენი ქვეყნის მომზადებას ისახავს მიზნად.

საუბრისას, ასევე ყურადღება დაეთმო საქართველოს მთავრობის მიერ განხორციელებულ და სხვადასხვა სფეროში დაგეგმილ რეფორმებს. 

მთავრობის მეთაურმა ისაუბრა ოკუპირებულ ტერიტორიებზე არსებულ მძიმე ჰუმანიტარულ ვითარებაზე და ევროკავშირს საქართველოს ტერიტორიულიმთლიანობისა და სუვერენიტეტის მტკიცე მხარდაჭერისთვის მადლობა გადაუხადა. 

ავტორი: ,

სოციალური ქსელები

ვუჩიჩი გადადგომამდე თბილისში ჩამოვა

ესაა სახელმწიფოს პოლიტიკა, რაზეც პასუხისმგებლობა ივანიშვილსა და ოცნებას ეკისრებათ - TI წამებაზე

საია - გავრცელებული შემაშფოთებელი კადრები სისტემური და სისტემატური საპოლიციო ძალადობის კიდევ ერთ ილუსტრაციას წარმოადგენს, რომელიც წლების განმავლობაში ავტორიტარული რეჟიმის ხელწერად იქცა

პირმა წარსულში არსებული დავის ნიადაგზე 2 კაცი მოკლა