საქართველოში საერთაშორისო სავალუტო ფონდის მისიის მუდმივი წარმომადგენლის აზიმ სადიკოვის განცხადებით, საგარეო შოკების შესამცირებლად, საქართველოში დოლარიზაციის დონის შემცირება უნდა მოხდეს.

მისივე თქმით, მნიშვნელოვანია, რომ მცურავი გაცვლითი კურსი შენარჩუნდეს.

სადიკოვის განმარტებით, ლარის გაუფასურება ორი ძირითადი ფაქტორით იყო გამოწვეული - მსოფლიოში დოლარის გამყარება და გარე ფაქტორები რეგიონში.

"საქართველოში ვალუტის გაუფასურება ძირითადად, გამოწვეული იყო ორი ფაქტორის გამო. ეს იყო დოლარის გამყარება გლობალურად და გარე ფაქტორები სამეზობლოდან. რუსეთში, უკრანაში, სომხეთსა და აზერბაიჯანში არსებული მდგომარეობა, ეკონომიკური უკუსვლა, რეცესია და ასევე ამ ქვეყნების ვალუტების გაუფასურება ახდენდა გავლენას საქართველოს ფულად ერთეულზე და კურსის გაუარესებაზე“, - განაცხადა აზიმ სადიკოვმა.

მისივე თქმით, საერთაშორისო სავალუტო ფონდი საქართველოში მცურავი გაცვლითი კურსის არსებობას მიესალმება.

„მივესალმებით მცურავი გაცვლითი კურსის არსებობას, რადგან ეს არის საშუალება, რაც შეიწოვს საგარეო შოკებს. აქედან გამომდინარე, ძალიან მნიშვნელოვანია, რომ ამ საშუალებით გატარდეს გარე შოკი და არ მოხდეს მისი ასახვა რეალურ ეკონომიკაზე. თუმცა ეს საკმაოდ რთული გამოწვევაა ისეთი მაღალი დოლარიზაციის მქონე ქვეყანაში, როგორიც საქართველოა. თუ ქვეყანას დოლარიზაციის დონე მაღალი არ აქვს, ადამიანი უყურებს თავის შემოსავალს და ხარჯებს ადგილობრივ ვალუტაში და არ აინტერესებს, როგორია გაცვლითი კურსი. მაგრამ როდესაც ადამიანს ვალდებულებები უცხოურ ვალუტაში, შემოსავალი კი ადგილობრივ ვალუტაში აქვს, რა თქმა უნდა, ეს მტკივნეულად გადააქვს, ამიტომაცაა მნიშვნელოვანი, რომ ქვეყანაში მოხდეს დოლარიზაციის დონის შემცირება და მცურავი გავლითი კურსის შენარჩუნება. ეს გამოწვევა საკმაოდ წარმატებით იქნება განხორციელებული, ისეთ ქვეყნებში, როგორიცაა ისრაელი, პოლონეთი, თურქეთი, ლათინური ამერიკის ქვეყნები. ამის წარმატებული შემთხვევები არსებობს და მიგვაჩნია, რომ ეს საშუალება, რომ მცურავი კურსით მოხდეს შოკის გატარება და არ მოხდეს მისი ასახვა რეალურ ეკონომიკაზე, ძალინ მნიშვნელოვანია და ამითაა გამყარებული ჩვენი რეკომენდაცია", - განაცხადა სადიკოვმა.

საქართველოში სავალუტო ფონდის მუდმივმა წარმომადგენელმა დღეს სამხრეთ კავკასიისა და ცენტრალური აზიის რეგიონის ეკონომიკური მიმოხილვა მთავრობის, ეროვნული ბანკის, დიპლომატიური კორპუსისა და ბიზნესსექტორის წარმომადგენლებს გააცნო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია

საქართველოს ბანკი ქმნის ინკლუზიურ საბანკო მომსახურებას